काठमाडौँ- सरकारले युवा रोजगारी समन्वयको लागि विश्व बैंकले दिएको १ सय २० मिलियन अमेरिकी डलर करीब १३ अर्ब रुपैँया स्विकार गरेको छ।
यस्तै नेपाल बन्दरगाह प्राधिकरण सम्बन्धि विधेयक तर्जुमा गर्न सैद्धान्तिक सहमति स्वकृति दिएको छ। नेपाल राजपत्र मिति २०११/११ को खण्ड ६३को प्रकशित सूचना खारेज गर्न र कृषि तथा पशुपन्छी विकास मन्त्रालय गैर कर र राजश्वको दरमा भन्ने परियोजना स्वीकृत गरिएको छ।
यस्तै विभिन्न परियोजना सञ्चालनका लागि खानेपानी मन्त्रालय, वन तथा वातावरण मन्त्रालय, श्रम रोजगार तथा सामाजिक सुरक्षा मन्त्रालयका दरबन्दीरु स्वीकृत गर्ने निर्णय गरिएको छ। जस अन्तर्गत खानेपानी मन्त्रालय २१३ जना, वन तथा वातावरण मन्त्रालय ५० जना, श्रम, रोजगार तथा सामाजिक सुरक्ष मन्त्रालयमा ७२६ जना कर्मचारी दरबन्दी गरिएको छ।
यस्तै भारतीय नागरिक मोन्सीलाल पासीको नागरिकताको प्रमाण पत्र खारेज नेपाली नागरिकबाट हटाउने निर्णय गरिएको छ। यस्तै नेपाली राष्ट्रिय परिचय पत्रमा हाल कायम रहेको कार्ड, चिप्स र प्रणालीमा राखी परिमार्जन गरी निर्णय गरिएको छ।
यस्तै कञ्चनपुर जिल्लामा मृत्यु भएको चन्द्रदेव भट्टको परिवारलाइ राहतस्वरुप पाँच लाख रुपैयाँ उपलब्ध गराउने निर्णय गरेको छ।
यस्तै रौतटहमा जीप दुर्घटनामा परी मृत्यु हुनेहरु मुकेश भनिने मन साह र रमेश कुमार चौधरीको परिवारलाइ प्रति परिवार राहत स्वरुप पाँच लाख रुपैया प्रदान गर्ने निर्णय गरेको छ।
यस्तै नारायणघाट मग्लिन सडक खण्डका इन्टर लेन लेभलका सडकहरुलाई डब्बल लेनमा कायम गर्न सार्वजनिक खरिद नियमावली र वातावरणीय पर्यावरण अध्ययन समेत गरी ठेक्काबाट निर्माण गर्ने गरी स्वीकृति दिइएको छ।
बर्दगोरिया १३२ केबी सब स्टेशन कैलालीका लागि वन क्षेत्र प्रयोग गर्न दिने निर्णय गरेको छ। यस्तै नेपाल उड्डयन प्राधिकरणको ऐन बनाउन स्वीकृति दिइएको छ भने नेपाल हवाइ प्राधिकरण ऐन बनाउन स्वृति प्रदान गरिएको छ।
यस्तै प्यूठान जिल्ला पाण्डवी गाउँपालिकाको नयाँ गाउपालिकाको कार्यालयबाट हेरफेर गरी माण्डवी गाउँपालिका वडा नम्बर ३ मा कायम गर्ने निर्णय गरिएको छ।
