काठमाडौं – न्युनतम पारिश्रमिक कार्यान्वयका लागि भनेर माघ महिनादेखि पत्रकार तथा कामदारको तलवी विवरण (प्रेरोल) अनिवार्य गरेको सुचना तथा प्रशारण विभागले साना लागनीका मिडियाहरु पेरोल आवश्यक नपर्ने प्रावधान ल्याएको छ ।
बढिमा ५ जनासम्म पत्रकार तथा कर्मचारी रहेको मिडिया हाउसका लागि न्युनतम पारिश्रमिक कार्यान्वयन गरेको प्रतिबद्धता आए विभागबाट जारी सबै सेवा सुविधा उपलव्ध हुने विभागले जनाएको छ । संचार तथा सुचना प्रविधि मन्त्रालयको साउन ८ गतेको मन्त्रीस्थरीय निर्णयबाट साना लगानीका मिडियाले अव उपरान्त पे–रोलविनानै सेवा सुविधा पाउने छन् ।
विभागले विहिबार एक सुचना जारी गर्दै पेरोल नबुझाएका मिडिया हाउसहरुलाई न्युनतम परिश्रमिक कार्यन्वयनको प्रतिबद्धता सहित उपस्थित हुन अनुरोध गरेको छ । पत्रकार महासंघको लामो समयको आन्दोलन र छलफल पश्चात संचार तथा सुचना प्रविधि मन्त्रीले यस्तो निर्णय गरेका हुन् ।
