काठमाडौं – मनसुनको न्यून चापीय रेखा नेपालको तराई भू–भाग भन्दा दक्षिणतिर रहेको मौसम पूर्वानुमान महाशाखाले जनाएको छ । जसका कारण नेपालमा मनसुनी गतिविधि कम सक्रिय अवस्थामा रहेको महाशाखाको भनाइ छ ।
महाशाखाका अनुसार हाल देशभर सामान्य बदली भई केही थोरै स्थानहरुमा वर्षा भइरहेको छ ।
आइतबार दिउँसो देशभर सामान्य बदली रही केही स्थानमा हल्का देखि मध्यम वर्षा हुने संभावना रहेको महाशाखाले जनाएको छ । आज रातिको मौसम पनि दिउँसोको जस्तै रहने महाशाखाले जनाएको छ । महाशाखाका अनुसार आइतबार राति देशभर सामान्य बदली रही केही स्थानमा हल्का देखि मध्यम वर्षा हुने संभावना छ ।
सोमबार दिउँसो देशभर सामान्य बदली रही केही स्थानमा हल्का देखि मध्यम वर्षा हुने र राति देशभर आंशिकदेखि सामान्य बदली रही केही स्थानमा हल्कादेखि मध्यम वर्षा हुने संभावना रहेको महाशाखाले जनाएको छ ।
मंगलबार दिउँसो सामान्य बदली रहने र थोरै स्थानमा हल्कादेखि मध्यम वर्षा हुने संभावना तथा मंगलबार राति देशभर आंशिकदेखि सामान्य बदली रही देशका थोरै स्थानमा हल्कादेखि मध्यम वर्षा हुने संभावना रहेको महाशाखाले जनाएको छ ।
त्यस्तै मनसुनको समयमा दिनहुँ वर्षा हुँदा पहाडी भूभागहरुमा सामान्य वर्षामा पनि पहिरो जान सक्ने भएकोले सतर्कता अपनाउन महाशाखाले अनुरोध गरेको छ ।
