काठमाडौं – अख्तियार दुरुपयोग अनुसन्धान आयोगको टोलीले काभ्रेका विभिन्न स्थानबाट ट्रिपरसँग पैसा उठाउने पाँच जना ट्राफिक प्रहरीलाई रंगेहात पक्राउ गरेको छ।
उनिहरुको साथबाट ६ हजार रुपैयाँ बरामद भएको अख्तियारले जनाएको छ। पक्राउ पर्नेमा दुई जना हवल्दार र तीन जना जवान छन्। हवल्दारद्धय भक्तबहादुर हायु र रामहरी मानन्धर तथा जवानहरु तेजप्रसाद भट्टराई, ज्ञानबहादुर लामगादे र हरिचन्द्र बानिया पक्राउ परेका हुन्।
