काठमाडौं – सनम शाक्य हत्या प्रकरण र साढे ३३ किलो सुन तस्करीमा जोडिएका चार प्रहरीलाई सर्वोच्च अदालदतले सफाई दिएको छ । सर्वोच्चले एसएसपी दिवेश लोहनी, एसपी विकासराज खनाल, डीएसपी प्रजित केसी र सई बालकृष्ण सञ्जेललाई सफाइ दिएको हो ।
सर्वोच्च अदालतका न्यायाधीशद्वय अनिलकुमार सिन्हा र सुस्मालता माथेमाको संयुक्त इजलासले उनीहरुको हकमा उच्च अदालत विराटनगरकै फैसलालाई सदर गर्दै सफाई दिएको हो । यसअघि नै उनीहरुलाई उच्च अदालतले विराटनगरले साधारण तारेखमा छाड्ने आदेश दिएको थियो ।
उनीहरु सबै प्रहरी सेवाको नियमीत काममा फर्किसकेका छन् । सर्वोच्चको आदेशपछि उनीहरु निर्दोष सावित भएका छन् । जिल्ला अदालत मोरङ, उच्च अदालत विराटनगर हुँदै सर्वोच्च अदालत आइपुगेको मुद्दामा दुई साता लामो बहसपछि सर्वोच्चले आफ्नो फैसला सुनाएको हो ।
