प्रहरीले नेत्रविक्रम चन्द ‘विप्लव नेतृत्व नेकपाका रामेछाप इन्चार्ज यादव ढुङ्गेललाई काभ्रेपलाञ्चोकको धुलिखेलबाट पक्राउ गरेको छ । प्रहरी उपरीक्षक जयराज सापकोटाका अनुसार ढुङ्गेललाई आइतबार राति पक्राउ गरिएको हो ।
यसैबीच सोही समूहका काभ्रेपलाञ्चोक जिल्ला सदस्यद्वय सुन्दर रायमाझी र अनिल रायमाझीलाई पनि प्रहरीले शुक्रबार राति पनौती नगरपालिका–४ बाट पक्राउ गरेको छ ।
उनीहरुलाई २०७६ वैशाख १ गते विप्लव समूहले आह्वान गरेको नेपाल बन्दको क्रममा पनौती–७ खोपासीमा बिष्फोटक पर्दाथ राखेर आंतक सिर्जना गरेको आरोपमा पक्राउ गरेको उहाँले बताउनुभयो । पक्राउ परेका दुबै जनालाई जिल्ला अदालत काभ्रेवाट ७ दिनको म्याद थप गरेर अनुसन्धान गरिरहेको प्रहरीले जनाएको छ ।
