काठमाडाैं – ह्याकिङबाट उत्तर कोरियाले २ अर्ब डलर पैसा जम्मा पारेको संयुक्त राष्ट्र संघीय समितिले जनाएको छ । उत्तर कोरियाले आफ्ना हातहतियार परियोजनाका लागि उच्चस्तरका साइबर हमलाहरू गर्दै विभिन्न देशका ब्याङ्कहरूबाट पैसा चोरेको राष्ट्रसङ्घको एउटा गोप्य प्रतिवेदनमा उल्लेख गरिएको छ ।
उत्तर कोरियालको ह्याकर समूह लजारस ग्रुपले २०७४ मा नेपालको एक वाणिज्य बैंकबाट ४६ करोड रुपैयाँभन्दा बढी चोरिएको बताइएको छ । तर ह्याकरहरूले ४ करोड रुपैयाँ बराबर मात्र लिन पाएको जनाइएको थियो ।
कोरियाली लजारस ग्रुपले विश्वका विभिन्न बैंकमा ह्याकिंग गर्दै ठुलो रकम हात पार्ने र सो रकमले आफ्नो परमाणु सम्बन्धी कार्यक्रमलाई अगाडि बढाउने गरेको अन्र्तराष्ट्रि समाचार माध्यमले जनाएका छन् । उत्तर कोरियाकै सानो ठुलो ह्याकिंगबाट सुरु गगरेको यो समुहले अहिले विश्वभरीने कुख्याती कमाएको छ । यसको विरुद्धमा विश्वका धेरै बैंकहरुले साइबर सुरक्षा व्यवस्था कडा पारेका छन् ।
भारतबाटसमेत गत यो ग्रुपले वर्षको साउनमा पुनेमा मुख्यालय रहेको कसमस बैंकको सिस्टम ह्याक गरी सो बैंकबाट ९६ करोड भारतीय रूपैयाँ चोरी गरेको जनाइएको छ ।
नेपालमा सतर्कता
नेपालको सूचना प्रविधिसम्बन्धी सुरक्षा कमजोर अवस्थामा रहेको छ यसैका फाइदा अन्तराष्ट्रिय ह्याकरसमुहले उठाउने गरेका छन् । नेपालको कम्प्युटर प्रणालीलाइ प्रोक्सी सेट गरेर नेपालबाट हुँदै अन्त ह्याकिंग गर्नेदेखि नेपालमै ह्याकिंग अर्लटहरु आइरहने गरेको साइबर सुरक्षा निकायले जनाएको छ ।
यसरी विश्वभरबाट नेपालमा ह्याकिंग खतरा आइरहदा सरकारले हालै राष्ट्रिय साइबर सुरक्षा अनुगमन केन्द्रको स्थापना गरेको छ । साइबर ब्युरोका सूचना अधिकारी नविन्द अर्यालले नेपालमा उत्तर कोरियाले ह्याक गरेदेखि नै ब्याङ्कहरूलाई राखेर प्राविधिक र सुरक्षा सम्बन्धी जानकारी दिएको बताएका छन् । हाल संयुक्त राष्ट्रसंघको गोप्य प्रतिवेदनबारे समाचार बाहिरीएपछि पनि अहिले बैंकहरुलाई सचेत हुन आग्रह गरेको बताएका छन् ।
