सर्वाेच्च अदालतले नायिका शिल्पा पोखरेललाई तत्काल पक्राउ नगर्न आदेश दिएको छ ।
निर्माता छवि ओझाकी जेठी श्रीमती हेमा ओझाले बहुविवाहको मुद्धा हालेपछि काठमाडौं जिल्ला अदालत हुँदै सर्वाेच्च अदालतसम्म पुगेको छ । केहि समय अगाडी उच्च अदालतले छवि र शिल्पालाई पक्राउ गर्न आदेश दिएको थियो । तर, शिल्पालाई प्रधानन्यायाधिश चोलेन्द्रशम्शेर जबराको एकल इजलासले तत्काल पक्राउ नगर्न आदेश दिएको छ ।
आफूविरुद्ध जारी भएको पक्राउ पूर्जी खारेज गर्न माग गर्दै शिल्पा उच्च अदालत पाटन पुगेकी थिइन् । उच्च अदालतले पक्राउ पूर्जी रोक्न अस्वीकार गरेपछि उनी सर्वोच्च गएकी हुन् । सर्वोच्चले भने तत्काल पक्राउ नगर्न आदेश दिँदै भदौ १५ गते दुवै पक्षलाई छलफलमा बोलाएको छ ।
