प्रमुख प्रतिपक्षी दल नेपाली कांग्रेसको मूख्यालय सानेपामा २२ असारयता लगातार बैठक बसिरहेको छ ।
अन्तरिम संगठन विधान पारित गरेपछि कांग्रेस बैठक भातृ संगठनतिर केन्द्रीत भएको छ । तर, २८ माघयता विघटित अवस्थामा रहेको नेवि संघको अन्तरिम नेतृत्व टुंग्याउन सकेको छैन ।
नेताहरुले भने समसामयिक विषय बैठकले लगातार उठाउँदै आएका छन् । आइतबारको बैठकमा नेपाली कांग्रेसका युवा नेता गगन थापाले टेलिभिजन प्रस्तोता रवि लामिछानेको प्रशंग उठाए । उनले कांग्रेसले आफ्नो कमजोरी सुधार्न नसक्दा रविहरुका पछाडि जनता देखिन थालेको बताए ।
थापाले भने, “रबि लामिछानेका समर्थकहरुको आक्रोश सरकारसँग मात्रै होइन, प्रतिपक्षीसँग पनि छ ।” जनताको मुद्दा कांग्रेसले नबोकेपछि रवि लामिछाने रोजेको नेता थापाले बताए ।
बैठकमा नेताहरु महेश आचार्य, प्रदीप पौडेल, रमेश रिजाल, मिनेन्द्र रिजाल, मानबहादुर विश्वकर्मा, अर्जुन जोशी, भीष्मराज आङ्दम्वेलगायतले बोलेका थिए । अर्को बैठक १७ भदौमा राखिएको छ ।
