अफगानिस्तानको काबुलमा सोमबार राति भएको बम बिस्फोटमा दुई जना नेपाली समेत मृत्यु भएको छ ।
आत्मघाती बिस्फोटमा १६ जनाको मृत्यु भएको छ भने ११९ जना घाइते भएका छन् । समाचार एजेन्सी एपीका अनुसार मृत्यु भएका दुवै नेपाली ग्रीन भिलेज क्याम्पको सुरक्षामा खटिएका थिए ।
मृत्यु हुनेमा १२ जना अफगानी र दुई जना अर्को देशका सुरक्षागार्ड छन् । घाइते हुनेमा भने कोही नेपाली परेका छैनन् । बाहिरी पोष्टमा बम बिस्फोट गराएर चार÷पाँच जना आतंकवादी भित्र पसेर अन्धाधुन्ध गोली चलाएका थिए ।
