जापान सरकारले बीपी राजमार्ग डबल लेनमा विस्तार गर्दै

सिन्धुली : झण्डै दुई दशक लगाएर निर्माण सम्पन्न बनेपा-सिन्धुली-बर्दिवास (बीपी) राजमार्गलाई डबल लेनमा विस्तार गरिने भएको छ। जापान सरकारको आर्थिक सहयोगमा उक्त राजमार्गको मुलकोट-धुलिखेल खण्डको ७० किलोमिटर र चियाबारी-बर्दिवास खण्डअन्तर्गत ४४ किलोमिटर डबल लेनमा विस्तार गर्न लागिएको हो।

पाँच वर्षअघि निर्माण सकिएको राजमार्गको दुरी महोत्तरीको बर्दिवासदेखि काभ्रेको धुलिखेलसम्म १ सय ६० किलोमिटर छ। सिन्धुलीको चियाबारी-खुर्कोट खण्डको ३० किलोमिटर खण्डमा भने जापान सरकारकै पहलमा चियाबारी-खुर्कोट सुरुङमार्ग तयार पारिने सूर्यविनायक-धुलिखेल-सिन्धुली-बर्दिवास सडक आयोजनाका प्रमुख सूर्य भाटले जनाकारी दिए।

सडक विस्तारका लागि यसै वर्षभित्र सुरुङ मार्गसहितको आयोजनाको विस्तृत अध्ययन प्रतिवेदन (डीपीआर) निर्माण सम्पन्न गर्ने गरी काम थालिएको छ। ‘मित्र राष्ट्र जापानकै अनुदानमा पाँच वर्षअघि निर्माण सम्पन्न भएको बीपी राजमार्ग साँघुरो र २०७२ को भूकम्पले क्षति पुर्‍याएपछि जापान सरकारलेनै त्यसको मर्मत तथा विस्तारमा चासो देखाएपछि डीपीआर तयारी थालेका छौं’, उनले भने, ‘डबल लेन र सुरुङ मार्गसहितको डीपीआर तयार पारेर काम अघि बढाउँछौं।’

जापान सरकारले यसअघि बीपी राजमार्ग मर्मतका लागि पाँच अर्ब रुपैयाँ अनुदान दिएर काम थालिसकेको छ। चियाबारी-खुर्कोट सुरुङ मार्गलाई भने नेपाल सरकारले नै राष्ट्रिय गौरबको आयोजना भित्र राखेर बजेट विनियोजन गरेको छ। पूर्वी तथा मध्य तराईबाट काठमाडौं भित्रने र बाहिरिने कम दुरीको बीपी राजमार्ग साँघुरो हुँदा सावारी आवतजावतमा निक्कै कठिनाइ हुँदै आएको छ। ‘साँघुरो सडकका कारण दुर्घटना समेत बढेपछि जापान सरकारलेनै यो सडकको स्तरोन्नतिका लागि चासो देखाएपछि सरकारले डबल लेनसहितको निर्माणका लागि थालेको हो। यसका लागि जापानी प्राविधिकले अध्ययन गरिरहेका छन्’, आयोजना प्रमुख भाटले भने।

बीपी राजमार्ग निर्माणका क्रममा सरकारले सडकका लागि स्थानीय व्यक्तिसँग अधिग्रहण गरेको जग्गा समेत खाली गराउन थालिएको छ। बीपी राजगर्माको दायाँबायाँ स्थानीयले बनाएका घर तथा टहरा भत्काएर बर्दीबासदेखि धुलिखेलसम्म सडक विस्तारका लागि समेत काम थालिएको छ।

नेपालमै पहिलो पटक ‘जिओटेक’ प्रविधिमा निर्माण गरिएको उक्त राजमार्गमा २०७२ को भूकम्पपछि १० टन भन्दा बढी भारवहन क्षमताका सवारी साधन र २९ सिटभन्दा लामा बस सञ्चालन गर्दा सडकमा क्षति पुग्नुका साथै सडक दुर्घटना बढ्ने भन्दै रोक लगाइएको थियो। सडक विस्तार तथा सुरुङमार्ग निर्माणको विकल्प खोजिँदै आएको छ।

२५ अर्ब रुपैयाँ भन्दाबढीको लागतमा २०५२ बाट निर्माण थालिएको बीपी राजमार्ग पाँच वर्षअघि निर्माण सम्पन्न भइ दैनिक ६ हजारबढी सावारी साधन सञ्चालन हुँदै आएको छ। तर, साँघुरो र घुम्ती धेरै हुँदा दैनिक जसो दुर्घटना हुने गरेको छ। २०७२ को भूकम्प र गत असारमा आएको बाढी र पहिरोले बीपी राजमार्गको तीन दर्जनबढी क्षेत्रमा क्षति पुगेको थियो।

मध्य पहाडी जिल्लाकै विकासको मुख्य ढोका खोलेको मध्यपहाडी लोकमार्ग समेत बीपी राजमार्गको खुर्कोटमा जोडिएको छ। यो राजमार्गमा ठूला तथा साना सवारी साधनको चाप दैनिक बढ्दै गएको छ।

सिफारिस

स्वरूप परिवर्तन गरी ठूलो आवाज निकाल्ने ४०१ मोटरसाइकल ट्राफिक प्रहरीको नियन्त्रणमा (तस्बिरहरू)

काठमाडौं उपत्यकामा स्वरूप परिवर्तन गरी चर्को आवाज निकाल्ने ४०१ वटा मोटरसाइकललाई ट्राफिक प्रहरीले नियन्त्रणमा लिएको छ। काठमाडौँ उपत्यका ट्राफिक प्रहरी कार्यालय रामशाहपथले सञ्चालन गरेको विशेष...

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ पर्व सोमबार बिहान सम्पन्न भएको छ। छठ पर्वको अन्तिम दिन आज बिहान ललितपुरको कुपन्डोललगायत विभिन्न...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार मनाइएको छ। यस अवसरमा नेपाली सेनाले तालिमप्राप्त कुकुरहरूको विशेष सीप तथा कलाकौशल प्रदर्शन गरेर कुकुर...

भर्खरै

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार...

‘काठमाडौँ फिल्म फेस्टिभल’ को रेड कार्पेटमा स्वदेशी तथा विदेशी कलाकार (तस्बिरहरू)

काठमाडौँ- काठमाडौँमा जारी तीनदिने ‘काठमाडौँ फिल्म फेस्टिभल’ को दोस्रो...

डोल्पा कारागारबाट सुरुङ खनेर यसरी भागेका थिए आठ कैदी (तस्बिरहरू)

डोल्पा - डोल्पाको सदरमुकाम दुनैस्थित जिल्ला कारागारबाट सुरुङ खनेर...

सांस्कृतिक उत्सवका साथ सुरु भयो ‘काठमाडौँ फिल्म फेस्टिभल’ (तस्बिरहरू)

काठमाडौँ-  काठमाडौँमा शुक्रबारदेखि पहिलो ‘काठमाडौँ फिल्म फेस्टिभल’ सुरु भएको...

खाद्य प्रविधि विभागले भन्यो: जथाभावी इनर्जी ड्रिङ्क्स नपिउनुस्

खाद्य प्रविधि तथा गुण नियन्त्रण विभागले जथाभावी इनर्जी ड्रिङ्क्स...

धेरै पढिएको