• अजय लेन्सम्यान 

काठमाडौँ – तोप चरा भँगेरा वर्गमा पर्दछ। यसलाई इन्जिनियिरङ चरा पनि भनिन्छ। तोप चरा प्रेम र सिपको लागि प्रसिद्ध छ। यसलाई कतै कतै सुजेरो तथा बकेचो पनि भनिन्छ। भालेले ललितपुरको धापाखेलमा गुँड बनाइसकेका छन् ।

यिनीहरूको भाले चराको पहिलो र प्रमुख काम भनेको गुँड बनाउने हो। हरियो घाँस जम्मा पारेर यिनीहरूले चुच्चोको सहाराले कलात्मक पाराले गुँड बनाउने गर्छन्।

झट्ट हेर्दा गुँड मानिसले सिलाएर बनाएको जस्तै आकर्षक देखिन्छ। भालेले बनाएको गुँड नसकेसम्म पोथीले हेरिरहन्छ। गुँड मन परेन भने पोथी गुँडभित्रै पस्दैन।

एउटा पोथीले मन नपराए भालेले अर्को पोथी ल्याएर गुँड देखाउँछ । अथवा नयाँ गुँड बनाएर पुरानै पोथी फकाउने प्रयास गर्छ । सँगै बस्न थालेपछि बच्चा कोरल्छन् । नेपालको तराईमा चार प्रकारका तोप चरा पाइन्छ ।

यिनीहरूलाई खराब मौसम र शत्रुबाट आफ्ना गुँड बचाउन पाए पुग्छ। गुँडलाई हावामा तुर्लुङ्ग तुर्लुङ्ग हल्लिने बनाउँछन्, जसले गर्दा शत्रु हत्तपत्त पस्न सक्दैन।

LEAVE A REPLY

Please enter your comment!
Please enter your name here