काठमाडौं – मौसम पूर्वानुमान महाशाखाले मनसुनको न्यून चापीय रेखा औसत स्थानको आसपास रहेको जनाएको छ । यो न्यून चापीय रेखा देशको मध्य र पूर्वी भागको उत्तरतर्फ सर्दै जाने महाशाखाले जनाएको छ । त्यस्तै उत्तरी छत्तिसगढको आसपास न्यून चापीय प्रणाली रहेको महाशाखाको भनाइ छ ।
हाल देशभर बदली भइ केही स्थानमा हल्का वर्षा भईरहेको महाशाखाले जानकारी दिएको छ । आगामी २४ घण्टाको मौसम विवरण सार्वजनिक गर्दै महाशाखाले केही स्थानमा मेघ गर्जन र चट्टयाङको साथै पूर्व र मध्यका एकदुई स्थानहरुमा भारी वर्षाको सम्भावना रहेको जनाएको छ ।
तीन दिनको मौसम विवरणबारे जानकारी दिँदै महाशाखाले सोमबार (आज) दिउँसो देशभर बदली रही पूर्व, मध्य र पश्चिमका केही स्थानमा मेघ गर्जन र चट्टयाङसहित हल्का देखि मध्यम वर्षा हुने जनाएको छ ।
महाशाखाका अनुसार सोमबार राति देशभरी बदली रही पूर्व, मध्य र पश्चिमका केही स्थानमा मेघ गर्जन र चट्टयाङसहित वर्षा हुने तथा मध्य र पूर्वका केही स्थानमा भारी वर्षाको सम्भावना छ ।
मंगलबार दिउँसो देशभर बदली रही धेरै स्थानमा मेघ गर्जन र चट्टयाङसहित वर्षाको सम्भावना रहेको तथा मध्य, पश्चिम र पूर्वका केही स्थानमा भारी वर्षाको सम्भावना छ ।
मंगलबार राति देशभर बदली रही धेरै स्थानमा मेघ गर्जन र चट्टयाङसहित वर्षा हुने तथा मध्य, पश्चिम र पूर्वका एकदुई स्थानमा भारी वर्षाको सम्भावना छ ।
त्यस्तै बुधबार दिउँसो देशभरी सामान्य बदली भइ केही स्थानमा मेघ गर्जन र चट्टयाङसहित वर्षा हुने तथा एकदुई स्थानमा भारी वर्षाको सम्भावना छ । बुधबार राति देशभर बदली रही धेरै स्थानमा मेघ गर्जन र चट्टयाङसहित वर्षाको सम्भावना छ । त्यस्तै पुर्वका एकदुई स्थानमा भारी वर्षाको सम्भावना रहेको महाशाखाले जनाएको छ ।
