काठमाडौं – नेपाल आयल निगमले पेट्रोलिय पदार्थको भाउ घटाएको छ ।
पेट्रोल, डिजेल र मट्टीतेलको भाउ प्रतिलिटर दुई रुपैयाँले घटेको नेपाल आयल निगमले जनाएको छ ।
निगमका कार्यकारी प्रमुख सुरेन्द्र पौडेलले नयाँ मुल्य मंगलबार राती १२ बजेदेखि लागू हुने जानकारी दिए ।
अन्तर्राष्ट्रिय बजारमा पेट्रोलियम पदार्थको मूल्य घटेकाले निगमले मूल्य घटाएको जनाएको छ ।
आज रातीसम्म काठमाडौं उपत्यकामा पेट्रोल १ सय ८ र डिजेल तथा मट्टीतेलको मूल्य ९६ रुपैयाँ ५० पैसा कायम रहनेछ ।
मंगलबार राती १२ बजेदेखि भने पेट्रोल १ सय ६ र डिजेल तथा मट्टीतेलको मूल्य ९४ रुपैयाँ ५० पैसामा बिक्रि वितरण हुने निगमले जनाएको छ ।
