काठमाडौं– ‘हामी यस्तै त हो नी ब्रो’ बोलको गीतमा अश्लील शब्द प्रयोग र गाँजा खान प्रोत्साहित गरेको आरोपमा पक्राउ परेका र्या पर समीर लामा घिसिङलाई जिल्ला प्रशासन कार्यालय ललितपुरले अभद्र व्यवहार मुद्दामा ७ दिनको म्याद थप गरेको छ।
ललितपुरको झम्सीखेलबाट पक्राउ गरी आवश्यक कारबाहीका लागि महानगरीय प्रहरी परिसर ललितपुर पठाइएका भिटेनलाई अनुसन्धानका लागि ७ दिनको म्याद थप भइआएको परिसरले जारी गरेको विज्ञप्तिमा जनाइएको छ।
भिडियोमा प्रहरीको बर्दीमा गाँजा खाएको भिडियो राखेकोमा विषयमा सोधपुछ गर्ने क्रममा ड्युटीमै रहेका प्रहरीलाई भिटेनले अभद्र व्यवहार गरेकाले पक्राउ गरिएको प्रहरीले जनाएको छ।
