विर्ता क्षेत्रमा संचार सम्पर्क गर्न कठिन

रामेछाप – रामेछापको धोवि र खिम्तीको विर्ता क्षेत्रका बासिन्दाले संचार सुविधा उपयोग गर्न कठिनाई झेल्नु परेको छ । घाम लाग्यो भने मात्र मोवाईलको टावर टिप्ने गरेको उक्त क्षेत्रमा हम्मेसी सम्पर्क गर्न सकिदैन । उक्त क्षेत्रमा ल्याण्डलाईन फोन सेवा उपलव्ध छैन ।
खिम्तीको विर्ताका चक्रवहादुर श्रेष्ठका अनुसार विर्ताबाट फोन सम्पर्क हुनु भनेको भाग्यको कुरा हो । गिद्धे र धोवि क्षेत्रमा कुहिरो देखिएपछि फोन बन्द हुन्छ । विर्ता, गैरी, केउरीनी क्षेत्रका वासिन्दा गाउं भन्दा केहि टाढाको ज्यामिरेखानी डाडांमा पुगेर फोन सम्पर्क गर्न बाध्य छन । धोवि बजारमा समेत टेलिफोन सम्पर्क गर्न सकिदैन । धोवि बजारमा नेटवर्क समस्याले बैंक तथा वित्तिय संस्थालाई सहज सेवा उपलव्ध हुन सकेको छैन । धोविको उत्तर तर्फको गहिरो भागमा टेलिफोन र डाटा समेत चल्दैन ।
नेपाल टेलिकमले राखेको गिद्धे रिपिटर स्टेशनमा विद्युत सेवा पुगेको छैन । उक्त टावर संचालनका लागि सोलार राखिएको छ ।
विद्युतका कारण टेलिफोन संचालन नभएको भने हैन । टावरमा इन्धन सहितको जेनेरेटर रहेकोले विद्युत नहुदैमा सेवा अवरुद्ध हुदैन । टेलिकम मन्थली शाखाका प्रदिप कार्की भन्छन् – गिद्धेको रिपीटरमा धेरै लोड भएका कारण समय समयमा टेलिफोन सम्पर्क हुन गाह्रो भएको हो ।
कार्कीका अनुसार धोवि क्षेत्रमा ल्याण्डलाईन फोन विस्तार गर्ने योजना अघि सारीएको छ । त्यसपछि त्यस क्ष्ँेत्रमा देखा परेको समस्या कम भएर जाने छ । यस अघि दुरागाउंमा रिपिटर स्थापना गरेकाले केहि सहज भएको उनले वताए । स्थानीयले भने धोवि या नागदहमा टेलिफोन रिपिटरको व्यवस्था गनुपर्नेमा जोड दिएका छन ।