काठमाडौँ – भेञ्चुरा बोटलर्स प्रालिले हल्का कार्बोनेटेड पेय उत्पादन नेपाली बजारमा भित्र्याएको छ ।
आरसी कोला, माइट्टी रेन, आरसी क्यू लेमन लाइम, आरसी क्यू अरेञ्ज, जियर अप, जी पावर, कार्बोनेटेड वाटर र वाटर अब देशभर उपलब्ध हुनेछन् । विश्वस्तरीय पेय अब काठमाडौँका कतिपय खुद्रा पसलमा पाइने कम्पनीले बताएको छ ।
काठमाडौँमा एक कार्यक्रमको आयोजना गर्दै अमेरिकी उत्पादन आरसी कोला नेपालका पसलमा बिक्री वितरण गर्न सुरु गरिएको कम्पनीले जनाएको छ । यसको उत्पादनका लागि आवश्यक कन्सनट्रेटेड कच्चा पदार्थ अमेरिकाको जर्जिया राज्यको कोलम्बसबाट आयात गरिने गरेको छ ।
मकवानपुरमा रहेको भेञ्चुरा बोटलर्सको अत्याधुनिक प्लान्टमा अमेरिकी स्तरको प्रकृयामा नेपाली पानीको समिश्रणबाट नेपालमा आर सी कोला तयार हुन्छ । सन् १९०५ मा संयुक्त राज्य अमेरिकाबाट उत्पादन सुरु गरिएको आर सी कोलाले विगत ११६ वर्षदेखि अकण्टक रुपमा संसारभरका उपभोक्ताहरुको मन जितेको छ ।
आरसीका उत्पादन अमेरिकाको खाद्य तथा औषधी प्रशासन (एफडीए), युरोपियन खाद्य सुरक्षा निकाय (इएफएसए) का साथै एसिया र अफ्रिकाका विभिन्न खाद्य सुरक्षासँग सम्बन्धित निकायबाट अनुमोदन हुँदै आएको कम्पनीले जानकारी दिएको छ ।
