नयाँ दिल्ली – भारतको महाराष्ट्र राज्यमा नयाँ सरकार बन्न नसकेपछि राष्ट्रपति शासन लागु गरिएको छ । राष्ट्रपति रामनाथ कोविन्दले यस सम्बन्धी मन्जुरी दिएका छन् ।
हालै भएको विधान सभा निर्वाचनमा भारतीय जनता पार्टी सबैभन्दा ठूलो दल भएकोमा उसलाई सरकार बनाउनका लागि पर्याप्त सिट भने थिएन । शिव सेनासँग चुनावी तालमेल भाजपाले गरेकोमा सरकार बनाउने विषयमा भने उनीहरुबीच कुरा मिलेको थिएन । त्यहाँका गभर्नरले सरकार बनाउनका लागि दलहरुलाई आह्वान गरे पनि कसैको पक्षमा पनि बहुमत नजुट्ने अवस्था आएपछि अहिलेलाई राष्ट्रपति शासन लगाइएको हो ।
एक वक्तव्य जारी गरी महाराष्ट्रका पूर्वमुख्यमन्त्री देवेन्द्र फडनवीसले राष्ट्रपति शासन लगाउनुपर्ने अवस्था दुर्भाग्यपूर्ण भएको जनाएका छन् । (बीबीसी)
