काठमाडौं – भारतीय पूर्व विदेश सचिव एवं नेपालका लागि पूर्व भारतीय राजदूत श्याम शरण काठमाडौं आएका छन् । नेपाल र भारतबीचको सीमा विवादको चर्चा चलिरहेको बेलामा उनको नेपाल आगमनलाई अर्थपूर्ण रुपमा हेरिएको छ । उनी इन्डिगो एयरलाइन्सबाट आइतबार काठमाडौं आएका हुन् ।
सन् २००४ देखि २००६ सम्म विदेश सचिव भएका श्याम शरण प्रधानमन्त्री मोदीको ‘म्यान्डेट’ लिएर आइतबार नेपाल आएको स्रोतले बताएको छ।
उनी सत्तारुढ नेकपाका दुई अध्यक्ष केपी शर्मा ओली र पुष्प कमल दाहाल साथै प्रतिपक्षी दलका सभापति शेर बहादुर देउवासंग भेटघाट गर्ने कार्यक्रम रहेको छ । भारतीय समाचार बोकेर उनी नेपालमा आएको स्रोतले जानकारी दिएको छ ।
स्रोतका अनुसार उनी ओली, देउवा र प्रचण्डसंग भेटघाट गरेर सीमा विवादको बारेमा छलफल गर्नेछन् । भारतीय राजनीतिक नक्सामा नेपालको भूमि भएको भन्दै विरोध प्रदर्शन भइरहेको छ । यसैबीच उनी नेपाल आएका हुन् ।
नेपाली राजनीतिबारे जानकार श्याम सरण सात दल र माओवादीबीच दिल्लीमा भएको १२ बुँदे सहमतिका योजनाकार मानिन्छन्।
