तेह्रौ दक्षिण एशियाली खेलकूद साग अन्तर्गत आज र भोलि शनिबार साइकल दौड प्रतियोगिता हुने भएकाले सो दिन कलंकीदेखि सूर्यविनायकसम्मको सडक क्षेत्रमा सर्भिस लेन प्रयोग गर्न र वैकल्पिक मार्ग प्रयोग गर्न महानगरीय ट्राफिक प्रहरी महाशाखाले अनुरोध गरेको छ ।
महाशाखाले एक सूचना जारी गरी आज कलंकीबाट कोटेश्वरसम्म र भोलि शनिबार कलंकीबाट सूर्यविनायकसम्मको सडकखण्डमा सर्भिस लेन प्रयोग गरिदिन सडक प्रयोगकर्तालाई अनुरोध गरेको छ ।
महाशाखाका प्रमुख प्रहरी वरिष्ठ उपरीक्षक भीमप्रसाद ढकालले कलंकीदेखि कोटेश्वरसम्मको सडकमा सर्भिस लेन प्रयोग गर्न र कोटेश्वरबाट गठ्ठाघर, सल्लाघारी हुँदै जगातीतर्फ जाने सडक प्रयोगकर्ताले जडीबुटी, पुरानोठिमी, व्यासी, कमलविनायक, च्यामासिंह हँुदै जगातीको सडक प्रयोग गरी सहयोग गर्न आग्रह गरे । उनले सो क्षेत्रमा अत्यावश्यक बाहेक अन्य सवारी नचलाई ट्राफिक व्यवस्थापनमा सहयोग गर्नसमेत आग्रह समेत गरे ।
