नेपालीहरुको महान् चाड बडादशैंको रमझम चलिरहेको छ । दशैं पर्वका बेला मिठो खाने र राम्रो लगाउने चलन रहिआएको छ । यो सँगै दशैंमा पिङ खेल्ने चलन पनि रहेको छ । वर्षमा एक पटक धर्ती नटेक्नु भन्ने मान्यताका कारण दशैंमा पिङ एक पटक भएपनि खेल्नुपर्ने मान्यता रहिआएको छ ।
दशैं मनोरम मौसमको बेला हो । दशैंमा मिठो मसिनो खाने र रमाइलो गर्ने प्रचलन रहिआएको छ । साथै पिङ खेल्ने प्रचलन छ । दशैको पिङमा सबै जातजाति अटाउछन्, भेदभाव–छुवाछुत चल्दैन । जागिर, व्यापार वा पढाइले र्गदा काठमाडौंमा बस्ने अरु जिल्लाका मानिसहरु दशैमा घर फर्कदा पिङ खेल्ने रहरलाई बलियोसंग सगालेर जाने गरेका छन् ।
मनसुने बादल नीलो आकाशमा फाट्दै–फाट्दै कपासझै फुर–फुर उडेको देखिन्छ । सरर चल्ने चिसो हावासंगै जमिनका मानिसहरुको उड्ने रहर बोकेर चङ्गाहरु आकासिंदै माथि–माथि पुग्छन् । मानिसको आकासिने रहर पिङ बनेर मच्चिने बेला पनि हो यो । दशैको बेला भुइँ छोड्नुर्पछ, पिङ खेल्नुर्पछ भन्ने पुरानो भनाइ नै छ । काठमाडौं उपत्यकाका काठ र त्यसबाहिर मात्र होइन, शहरकै टोलटोलमा पनि बासका पिङ हालेर युवायुवतीहरु मच्ची–मच्ची चच है † चच है † मा मनको उमङ्ग उडाउदै रमाउने गर्दछन् ।
दशैं भनेको समृद्धिको पर्व हो । एकता र सद्भावको पर्व हो । यसमा मनोरञ्जन नजोडिने कुरै भएन । दशैंको फुर्सदिलो दिनमा उन्मुक्त मनोरञ्जन गर्नुपर्छ । यस्तो अवसर बर्षमा एक दिन न आउने हो ।
दशैंमा मनोरञ्जन गर्ने अनेक विधी छन् । तौर तरिका छन् । त्यसमध्ये परम्परागत तरिका हो, लिङ्गे पिङ । टिका थापिसकेपछि सबैजसो पिङमा मच्चिएर मनोरञ्जन गर्न हतारिन्छन् । पिङ एक रोमाञ्चक अनुभव पनि हो ।
दशैंलाई हामी मिठो मसिनो खाने चाड भन्छौं । खासगरी मासुजन्य परिकार खाने चाड । यतिबेला घरमा मिठोमसिना खाइन्छ । पाहुना लाग्दा मिठोमसिनो खाइन्छ । अनेकथरी खाइन्छ । आफन्तको मन राख्नका लागि पनि खानैपर्छ । यसरी खानाको मात्रा बढ्दा त्यसले स्वभाविक रुपमा हामो पाचन यन्त्रलाई असर गर्छ । मासुजन्य परिकार वा चिल्लोचाप्लो परिकार पचाउनै गाह्रो हुन्छ ।
यस्तो अवस्थामा लिङ्गे पिङ खेल्नुको खास फाइदा छ । लिङ्गे पिङ खेल्ने आफ्नै तरिका छ । पिङ मच्याउनका लागि उठ्ने र बस्ने गरिन्छ । यस क्रममा हाम्रो पेटको राम्रो व्यायम हुनपुग्छ ।
यसरी लिङ्गे पिङको सम्बन्ध पेटको स्वास्थ्यसँग पनि जोडिएको छ । त्यसैले दशैंमा परम्परा धान्नका लागि मात्र होइन, तन्दुरुस्ती र रोमाञ्चकताका लागि पनि लिङ्गे पिङ खेल्नुपर्छ ।
