नगरकोट र आसपासका स्थानमा आन्तरिक पर्यटकको चहलपहल देखिन थालेको छ । काठमाडौं उपत्यकाबाट छोटो दूरीमा पुग्न सकिने प्रसिद्ध र रमणीय स्थल हो नगरकोट ।
काठमाडौंबाट ३२ किलोमिटर र भक्तपुरबाट २० किलोमिटर पूर्वमा पर्दछ नगरकोट । नागवेली घुम्ती पार गर्दै पुगिने नगरकोटबाट सूर्योदयको भूल्को दृष्यवलोकनका लागि यो स्थान प्रसिद्ध छ ।
छिनमै मौसम परिवर्तन हुने नगरकोटबाट विभिन्न हिमाल श्रखलाको मनोरम दृष्य देख्न सकिन्छ । धौलागिरी, कञ्चनजंघा हिमश्रृखला, मनास्लु, गणेश हिमाल, लाङटाङ गौरीशंकरलगायतका हिमाल चुचुरा देख्न सकिन्छ ।
नगरकोट जानका लागि रत्नपार्कबाट भक्तपुरसम्मको बस लाग्छ । निजी सवारीसाधनमा पनि जाँदा हुन्छ ।