काठमाडौं । कालिञ्चोकबाट भक्तपुर आउँदै गरेको बस आइतबार विहान दुर्घटना हुँदा मृत्यु हुनेको संख्या १४ पुगेको छ ।
बा ४ ख ४४६८ नम्बरको बस लामोसाघु जिरी सडकखण्डको ६ किलोमा दुर्घटना भएको हो । दुर्घटनामा परी यसअघि १२ जनाको मृत्यु भएको थियो ।
घटनाका घाइते २ जनाको उपचारका क्रममा मृत्यु भएपछि मृतकको संख्या १४ पुगेको प्रहरीले जनाएको छ ।
कालिञ्चोक मन्दिर दर्शन गरेर फर्किएका दर्शनार्थी चढेको बस सिन्धुपाल्चोकको सुनकोशी गाउँपालिका–७ स्थित ६ किलोमा आइतबार विहान सो बस दुर्घटना भएको हो ।
आइतबार बिहान करिब ८ः३० बजे बा २ ख ४४६८ नम्बरको बस सडकबाट ५०० मिटर तल खसेको जिल्ला प्रहरी कार्यालय सिन्धुपाल्चोकका इन्स्पेक्टर गणेश खनालले जानकारी दिए ।
