अमेरिकी राष्ट्रपति डोनाल्ड ट्रम्पमाथि संसदको तल्लो सदन हाउस अफ रिप्रिजेन्टेटिभ्सले महाअभियोगको प्रस्ताव पारित गरेको छ । उनी अमेरिकी इतिहासमा नै महाअभियोगको सामना गर्ने तेस्रो राष्ट्रपति बनेका छन् ।
अब यो प्रस्तावलाई सिनेटको दुई तिहाई बहुमतले पारित गरेमा ट्रम्प पदमुक्त हुनेछन् ।
तल्लो सदनमा ट्रम्पमाथि महाअभियोग लगाउने प्रस्तावको पक्षमा २२९ मत परेको थियो भने १९७ रिपब्लिकन सांसदले विपक्षमा मतदान गरेका थिए । उनीमाथि शक्ति दुरुपयोगको आरोपमा महाअभियोग लगाइएको हो ।
आगामी सन् २०२० को राष्ट्रपतीय निर्वाचनमा समेत उम्मेदवार बन्न लागेका ट्रम्पको चुनावी अभियान अघि बढिरहेका बेला उनीमाथि महाअभियोगको प्रस्ताव पारित भएको हो ।
