काठमाडौं – मौसम पूर्वानुमान महाशाखाले अहिले नेपालमा कुनै पनि उल्लेखनीय मौसम प्रणाली नभएको भन्दै मौसम सफा रहने जनाएको छ ।

मौसमविद् मञ्जु बासीका अनुसार काठमाडौं उपत्यकामा हल्काफुल्का हुस्सु लागेको छ । तराई भेगमा पनि हुस्सु र कुहिरो छ ।

पहाडी भेगमा बिहानमै र तराईमा दिउँसो मात्र हुस्सु र कुहिरो हटेर जानेछ । चिसो रहिरहने छ ।

उपत्यकाको न्यूनतम तापक्रम २ डिग्री सेल्सियस रहेको छ । ६ः४५ बजे पनि तापक्रम २ डिग्री नै रहेको थियो । उपत्यकामा तुसारो पनि परिरहेको छ । यसले नै चिसो बढाएको छ ।

वर्षा भने ७२ घण्टासम्म हुनेछैन । बुधबार जुम्लामा मात्र वर्षा भएको थियो । त्यहाँ ०.२ मिलिमिटर वर्षा भएको थियो ।

हिमाली तथा उच्च पहाडी भेगमा पनि अत्यन्त चिसो छ । हिमपात भने हुने सम्भावना नभएको मौसमविद् बासीले जनाइन् ।

शुक्रबार र शनिबार भने आंशिक बदली हुनेछ ।

आगामी तीन दिनको मौसम पूर्वानुमान

माघ ९ गते (बिहिबार)

दिउँसो : देशको पुर्वी पहाडी  भूभागमा आंशिक  बदली रही मध्य र पश्चिमी  पहाडी भू-भागमा मौसम सामान्यतया सफा रहनेछ।देशका तराईका भू-भागमा हुस्सु/कुहिरो रहनेछ।

रातीः  देशको पुर्वी पहाडी  भूभागमा आंशिक  रहनेछ बाँकि स्थानमा मौसम सामान्यतया सफा रहनेछ ।

 माघ १० गते (शुक्रबार)

दिउँसो : देशको पुर्वी पहाडी  भूभागमा आंशिक देखि सामान्य बदली र मध्य तथा पश्चिमी पाहाडी भू-भागमा आंशिक बादली रही बाँकि स्थानमा मौसम सामान्यतया सफा रहनेछ ।

रातीः  देशको पुर्वी पहाडी  भूभागमा आंशिक देखि सामान्य बदली र मध्य तथा पश्चिमी पाहाडी भू-भागमा आंशिक बादली रही बाँकि स्थानमा मौसम सामान्यतया सफा रहनेछ ।

 माघ ११  गते (शनिबार)

दिउँसो : देशको  पहाडी  भूभागमा आंशिकदेखि सामान्य बदली  रही बाँकि स्थानमा आंशिक बादली रहनेछ ।

रातीः  देशको  पहाडी  भूभागमा आंशिक देखि सामान्य बदली  रही बाँकि स्थानमा आंशिक बादली रहनेछ ।

फेसबुकबाट तपाईको प्रतिक्रिया