आइतबार काठमाडौं उपत्यकामा लेन मिचेर सवारी चलाउने १ सय ६३ जना सवारी चालक कारबाहीमा परेका छन्। ट्राफिक प्रहरीले काठमाडौं, भक्तपुर र ललितपुरमा ती सवारी चालकमाथि कारबाही गरेको हो।
महानगरीय ट्राफिक प्रहरी महाशाखाका अनुसार उपत्यकामा आइतबार १ हजार ८ सय ५१ सवारीसाधन तथा चालकमाथि कारबाही गरिएको छ। जसमा फुटपाथ पार्किङमा सबैभन्दा बढी १ सय ७० कारबाही गरिएको छ।
यसैगरी, अनधिकृत पार्किङ गर्ने १ सय १७ सवारीसाधनमा ह्विल/चेन लक गरिएको महाशाखाले जनाएको छ। उक्त दिन मादक पदार्थ सेवन गरी सवारी चलाउने ८२ चालकसमेत कारबाहीमा परेका छन्।
त्यस्तै, ६४ भाडाका कार/ट्याक्सी, ६२ सिसिटिभीमार्फत, ५७ हर्न, ४१ जेब्राक्रसिङमाथि सवारी रोक्ने, २० टिपर तथा १ हजार ७५ अन्य कारबाही गरिएको महाशाखाले जनाएको छ।
आइतबार उपत्यकामा ३५ वटा सवारी दुर्घटना भएकामा ३० जना सामान्य घाइते भएका छन्।
