काठमाडौं– काठमाडौंको शान्तिनगरमा आज बिहान ट्रिपरको ठक्करबाट एक महिला घाइते भएकी छिन् ।
शान्तिनगरको जेब्राक्रसिङ्गमा बाटो काट्दै गरेकी महिलालाई ट्रिपरले ठक्कर दिएको हो । टिप्परको ठक्करबाट घाइते भएकी ती महिलाको सिभिल अस्पतालमा उपचार भइरहेको छ ।
कोटेश्वरबाट बानेश्वर तर्फ आईरहेको बा. ४ ख ४९९५ नम्बरको ट्रिपरले बाटो काटिरहेकी महिलालाई ठक्कर दिएको प्रहरीले जनाएको छ ।
प्रहरीका अनुसार सो ट्रिपरका चालक भने फरार छन् । ट्राफिकले ट्रिपर नियन्त्रणमा लिएको छ ।
