एजेन्सी– भारतीय चर्चित अभिनेत्री श्रीदेवीको अन्तिम संस्कार भोलि साढे ३ बजे हुने भएको छ। उनको पार्थिव शरीर भोलि बिहान साढे ९ बजेदेखि साढे १२ बजेसम्म मुम्बईको सेलिब्रेसन स्पोर्टस् क्लबमा श्रद्धाञ्जलीका लागि राखिने सञ्चार माध्यमले जनाएका छन्।
त्यसपछि उनको पार्थिव शरीर सेवा समाज शव दाह गृहमा लगिनेछ। त्यहीँ उनको राजकीय सम्मानका साथ अन्तिक संस्कार हुनेछ।
दुबई पुलिसले श्रीदेवीको पार्थिव शरीर परिवारलाई सुम्पिएपछि भारत ल्याइँदैछ। दुबईको कानुन अनुसार उनको पार्थिव शरीर ल्याउन तीन दिन लागेको हो। दुबई पुलिसले दुर्घनाका कारण बाथटपमा डुबेर श्रीदेवीको मृत्यु भएको पुष्टि गरेको छ।
दुबईको स्थानीय समय अनुसार श्रीदेवीको निधन शनिबार राति ११ बजे भएको थियो।
