काठमाण्डौ – सोमबार पहाडी भु-भागको केही ठाउँमा सामान्य बादल लाग्ने र बाँकी ठाउँमा मौसम सफा हुने जल तथा मौसम पूर्वानुमान महाशाखाले जनाएको छ ।
काठमाण्डौ र आसपासका ठाउँमा बिहान हल्का बादल लागे पनि दिउँसो घाम लाग्ने महाशाखाको भनाई छ । सामान्य बदली भए पनि पानी पर्ने सम्भावना नरहेको पनि महाशाखाले जनाएको छ ।
महाशाखाका अनुसार अहिले नेपालमा कुनै पनि मौसमी प्रणाली सक्रिय छैन । आउँदो तीन दिनसम्म पानी पर्ने सम्भावना नरहेको पनि महाशाखाले जनाएको छ ।
आगामी तीन दिनको मौसम पूर्वानुमान
माघ २७ गते (सोमबार)
दिउँसोः देशका पहाडी भू-भागमा आंशिक बदली रही बाँकि भू-भागमा मौसम सामान्यतया सफा रहने छ।
रातीः देशका पश्चिमी भू-भागमा आंशिक बदली रही बाँकि भू-भागमा मौसम सामान्यतया सफा रहने छ।
माघ २८ गते (मंगलबार)
दिउँसोः देशका पहाडी भू-भागमा आंशिक देखि सामान्य बदली रही बाँकि भू-भागमा आंशिक बदली रहने छ।
रातीः देशका पहाडी भू-भागमा आंशिक बदली रही बाँकि भू-भागमा मौसम सामान्यतया सफा रहने छ।
माघ २९ गते (बुधबार)
दिउँसोः देशका पहाडी भू-भागमा आंशिक बदली रही बाँकि भू-भागमा मौसम सामान्यतया सफा रहने छ।
रातीः देशका पहाडी भू-भागमा आंशिक बदली रही बाँकि भू-भागमा मौसम सामान्यतया सफा रहने छ।
