सशस्त्र प्रहरीका १६ जना अधिकृतहरूलाई वरिष्ठ उपरीक्षक पदमा बढुवाका लागि सिफारिस गरिएको छ। गृह मन्त्रालय बढुवा समितिको सचिवालयका अनुसार यही साउन ६ गतेको निर्णयबमोजिम उनीहरुलाई बढुवा सिफारिस गरिएको हो।
उक्त सिफारिस चित्त नबुझे सात दिनभित्र उजुरी सुन्ने समितिसमक्ष उजुरी दिन आग्रह गरेको छ। बढुवा समितिको बैठकले सशस्त्रमा १४ कामु एसएसपीलाई कन्फर्म गर्ने निर्णय गर्नुका साथै अन्य दुई जना एसपीलाई एसएसपीमा बढुवा गरेको हो ।
गृहसचिव टेकनारायण पाण्डेको अध्यक्षमा गृहमन्त्रालयले गठन गरेको बढुवा समितिमा सशस्त्र प्रहरी महानिरीक्षक राजु अर्याल सदस्य र एआईजी नारायणदत्त पौडेल सदस्य सचिव छन् ।
एसएसपी प्रविण कंडेल एक नम्बरमा बढुवा सिफारिस भएका छन् । उनि ०५५ सालमा असईमा भर्ना भएका थिए । अर्को व्याचबाट प्रधानमन्त्री शेरबहादुर देउवाका पिए भानु देउवाका बहिनी ज्वांई कामु एसएसपी दिपेन्द्र कुंवरलाई ११ नम्बरबाट दुई नम्बरमा ल्याइएको छ । उनी आफ्नो व्याचमा एक नम्बरमा बढुवा भएका छन् ।
तेस्रोमा महानिरीक्षकको सचिवालयमा रहेका विष्णु भट्ट बढुवा भएका छन् । उनि यसअघि वरियतामा एक नम्बरमा थिए ।
बढुवामा दिगविजय सुवेदी, विश्वकुमार भट्टराई, भुपेन्द्र केसी, कमल तिउसिना,निरकृष्ण अधिकारी, सुधिरजंग थापा,किरण बस्नेत र माधव पौडेल,उद्धव बहादुर न्यौपाने,राजेन्द्र खड्का र नरेन्द्र सेन बढुवा भएका छन् । त्यसैगरी एसपीबाट किरण ढुंगाना र शंकर खनाल एसएसपी बढुवाका लागि सिफारिस भएका छन् ।
