काठमाडौं – यस वर्षको माध्यमिक शिक्षा परीक्षा (एसइई)को परीक्षा नसर्ने भएको छ ।
शिक्षा, विज्ञान तथा प्रविधि मन्त्रालयले शुक्रबार विज्ञप्ती जारी गर्दै एसइईको परीक्षा पूर्वनिर्धारित समयमै हुने जानकारी दिएको हो ।
विभिन्न सञ्चारमाध्यममा एसइई स्थगित भएको भन्ने समाचार प्रकाशित भएको भन्दै मन्त्रालयले एसइईको परीक्षा अब चैत्र ६ गते देखि नै सुरु हुने स्पष्ट पारेको छ ।
यसअघि कक्षा १ देखि ९ सम्मका परीक्षा चैत्र ५ गतेसम्ममा सकाउन मन्त्रालयले पत्राचार गरेको थियो । साथै आवश्यकता अनुसार थप निर्णय भएमा मन्त्रालयले अर्को सूचना जारी गर्ने जानकारी दिएको छ ।
