काठमाडौं- अन्तर्राष्ट्रिय बजारमा कच्चा तेलको मूल्यमा गिरावट आएपनि नेपालमा तत्काल नघट्ने भएको छ ।
कोरोना भाइरसको प्रभाव तथा साउदी अरब र रुसबीचको उत्पन्न विवादका कारण अन्तर्राष्ट्रिय बजारमा कच्चा तेलको मुल्यमा ३० प्रतिशतले गिरावट आएको हो । तर नेपालमा यसको असर १५ दिन पछिमात्रै पर्ने भएकाले तत्कालै मुल्य नघट्ने भएको हो ।‘ अन्तराष्ट्रि बजारमा घट्ने वित्तिकै नेपालमा घट्दैन ।’ नेपाल आयल निगमका निर्देशक सुशिल भट्टराइले भने ।
अन्तर्राष्ट्रिय बजारको प्रभाव नेपालमा लगभग दुई हप्तापछि मात्रै पर्ने भएकाले तत्काल नपरेको उनको भनाई थियो । नेपालले भारतीय आयल निगमसँग पेट्रोलियम पदार्थको आयात गर्दै आएको छ । त्यसैले अन्तर्राष्ट्रिय बजारमा मूल्यमा उतावचडाव हुनेवित्तिकै त्यसको असर नेपालमा देखा पर्छ । निर्देशक भट्टराइले दुईसातापछि मात्रै नेपालमा तेलको मुल्य घट्ने बताए ।
तेल उत्पादक देशहरुको संगठन ओपेकले १५ लाख ब्यारेज तेल उत्पादनमा कटौती गर्ने भएकाले तथा कोरोना भाइरसको प्रभावका कारण गर्दा तेलको मागमा कमी आएको छ । जसका कारण तेलको उत्पादनमा समेत कटौती गरिएको छ । तेल रुस लगायत अन्य मुलुक तेल उत्पादक संगठन ओपेकको सदस्य नभएकाले संगठनमा साउदीले गरेको निर्णय मान्य हुने गरेको छ ।
साउदीले गरेको प्रस्ताव रुसले नमानेपछि साउदीले कच्चा तेल खरिदमा छुट दिने घोषणा गरेको थियो । साउदी सरकारले तेलको मूल्यमा भारी गिरावट भएको भन्दै अर्थमन्त्रीलाई कारवाही समेत गरेको छ ।
जसका कारण अन्तर्राष्ट्रिय बजारमा ३० प्रतिशतले कच्चा तेलको मूल्य प्रतिब्यारेल ३१.०२ अमेरिकी डलर प्रति ब्यारेलमा आएको छ ।
