काठमाडौं – काठमाडौं जिल्ला अदालतले नेपाल कम्युनिस्ट पार्टीसम्बद्ध अनेरास्ववियुका निलम्बित केन्द्रीय सदस्य इन्द्रहाङ राईले साढे आठ वर्ष कैद र क्षतीपूर्ति तिर्नुपर्नेगरि बिहीबार सजाए फैसला गरको छ । जिल्ला न्यायाधीश विनोदकुमार पोखरेलको इजलासले पीडितको अभियोग दाबी पुग्ने भन्दै राईलाई साढे आठ वर्ष कैद सुनाएको हो । पीडित युवतीका लागि एक लाख ५० हजार रुपैयाँ क्षतिपूर्तिसमेत तिर्नुपर्ने अदालतको फैसला छ ।
यसअधि नै जबरर्जस्तीकरणी भएको ठहर गरिए पनि बिहीबार मात्र सजाए र क्षतिपूर्ति ताकिएको हो । राईले गोकर्णश्वर नगरपालिका मालकबारीस्थित एक घरमा एक युवतीमाथि जबर्जस्तीकरणी गरेको भन्दै मुद्दा दर्ता भएको थियो । गत कात्तिकमा आफूमाथि जबर्जस्तीकरणी गरेको भन्दै युवतीले बौद्ध प्रहरीमा जाहेरी दर्ता गरेकी थिइन् । जाहेरी परेपछि प्रहरीले प्रमाण संकलन र पीडित महिलाको स्वास्थ्य परीक्षण गरेको जनाएको थियो । त्यसैगरी राईलाई प्रहरीले नियन्त्रणमा लिएको थियो । प्रहरीको नियन्त्रणमा परेपछि राईलाई अनेरास्ववियुले केन्द्रीय सदस्य पदबाट निलम्बन गरेको थियो । नागरिक दैनिकमा प्रकाशित छ ।
