नेकपा एमालेको पोलिटब्युरो बैठक केन्द्रीय कार्यालय च्यासलमा सुरु भएको छ। यो बैठकबाट आगामी मंसिर ४ गते हुने प्रदेश तथा प्रतिनिधिसभा निर्वाचनको रणनीति तय गरिँदैछ।
बैठकमा पार्टी अध्यक्ष केपी शर्मा ओलीले शुक्रबार केन्द्रीय कमिटीमा पेश गर्ने राजनीतिक प्रतिवेदनबारे जानकारी गराउनेछन्।
यो बैठकमा भोलि (१० भदौ) बाट सुरु हुन केन्द्रीय कमिटी बैठकका एजेन्डालाई पनि अन्तिम रुप दिइनेछ।बैठकमा केन्द्रीय कमिटीमा प्रस्तुत हुने राजनीतिक प्रतिवेदनबारे अध्यक्ष केपी शर्मा ओलीले जानकारी दिँदैछन्।
भोलि र पर्सि दुई दिन केन्द्रीय कमिटी बैठक बस्दैछ। यस्तै १२ गते केन्द्रीय निर्वाचन परिचालन कमिटी बैठक बस्नेछ।
यसअघि मंगलबार बसेको स्थायी कमिटीको बैठकले आसन्न प्रतिनिधिसभा तथा प्रदेशसभा निर्वाचनको तयारी र रणनीतिबारे छलफल गरेको थियो।

