काठमाडौं – नेपाल पत्रकार महासंघले सरकार वा सम्बन्धित कुनै पनि पक्षले भीडभाडसहित पत्रकार सम्मेलन नगर्न र आधिकारिक सामाजिक सञ्जाल र सञ्चारमाध्यमबाट समाचार वा सूचना प्रवाह गर्न आग्रह गरेको छ । महासचिव रमेश विष्टद्वारा जारी विज्ञप्तिमा गहन जिम्मेवारी बोकेका पत्रकारहरुलाई सुरक्षित ढंगबाट काम गर्ने वातावरण निर्माण गर्न पनि आग्रह गरिएको छ ।
विज्ञप्तिको पूर्णपाठ
विश्वभर कोरोना भाइरसको संक्रमण फैलिरहेको र नेपालमा समेत कोरोना भाइरसको संक्रमित पुष्टि भएको सन्दर्भमा समाचार संकलन र सम्प्रेषणको गहन दायित्व बोकेका पत्रकारहरूलाई सुरक्षित ढंगबाट काम गर्ने वातावरण निर्माण गर्नुपर्ने विषयमा नेपाल पत्रकार महासंघको गम्भीर ध्यार्कषण भएको छ । सरकार र सम्बन्धित पक्षले कुनै पनि समाचार वा सूचना प्रवाह गर्न भिडभाडसहितको पत्रकार सम्मेलन नगरी आधिकारिक सामाजिक सञ्जाल, संचारमाध्यम वा प्रेस विज्ञाप्तिको माध्यमबाट गर्न महासंघ आग्रह गर्दछ । पत्रकार सम्मेलन गर्नै परे पूर्वसतर्कताका सम्पूर्ण उपायहरु अवलम्बन गर्न आग्रह गर्दछ । साथै, महासंघ पत्रकार र संचारमाध्यमले पनि आफूलाई पूर्ण सुरक्षित राख्दै आधिकारिक रुपमा पुष्टि भएका समाचार सामग्री मात्र सम्प्रेषण गर्न आग्रह गर्दछ । भ्रमपूर्ण र अफवाह फैलने कुनै पनि सामग्री संप्रेषण नगर्न महासंघ आग्रह गर्दछ ।
रमेश विष्ट महासचिव
