काठमाडौं – मौसम पूर्वानुमान महाशाखाका अनुसार हाल देशमा पश्चिमी वायुको प्रभाव रहेको छ।
मौसमविद् मीनकुमार अर्यालका अनुसार पश्चिमी भूभाग र तराईका केही स्थान छाडेर आंशिक बदली रहेको छ । पूर्वी भूभागमा पनि आंशिक बदली भएको छ ।
काठमाडौं उपत्यकामा पनि भिजिबिलिटी कम भएको छ । बिहानको मौसममा धुम्मिदै गएको छ मौसम ।
उपत्यकासहित मध्य र पूर्वका पहाडी भूभागमा मेघगर्जनसहित वर्षा हुने सम्भावना रहेको छ । पश्चिमका पहाडी भूभागमा पनि वर्षा हुन सक्नेछ ।
कतिपय पहाडी भूभाग (मध्य र पूर्व) मा खण्डित वर्षा (आइसोलेटेड) वर्षा हुने छ ।
काठमाडौं उपत्यकामा तापक्रम १३ डिग्री सेल्सियस र अधिकतम तापक्रम ३० डिग्रीसम्म पुग्नेछ । भिजिबिलिटी ४ किलोमिटर रहेको छ ।
देशभर आंशिकदेखि सामान्य बदली रही पश्चिमी पहाडी भूभागका एक–दुई स्थानमा र मध्य र पूर्वका पहाडी भूभागका थोरै स्थानहरुमा मेघ गर्जनसहित वर्षाको सम्भावना रहेको छ । हिमाली भूभागका केही स्थानमा हल्का हिमपातको सम्भावना रहेको छ ।
राति देशका पहाडी भूभागमा आंशिक बदली रही पहाडी भूभागका एक र दुई स्थानमा मेघ गर्जनसहित वर्षाको सम्भावना रहेको छ ।
बिहीबार र शुक्रबार भने मौसम सफा रहने मौसमविद् अर्यालले बताए ।
