उमेश बि.क, नवलपरासी – पश्चिम नवलपरासी क्षेत्र नं.२”ख” का प्रदेश सभा सदस्य वैजनाथ जैसवालले आफ्नाे कार्य क्षेत्र वासीहरूलाई मास्क,सेनिटाइजर,सावुन बितरण कार्य सुरु गरेका छन्। विश्वव्यापी रुपमा फैलिदै गएको कोरोना भाइरस (कोभिड–१९) महामारीको कारण सरकारले गरेको लकडाउनमा आफ्नो कार्य क्षेत्र वासीहरूलाई काेराेनाबाट बचाउनकाे लागि मास्क,सेनिटाइजर,सावुन बितरण कार्य सुरु गरिएको प्रदेश सभा सदस्य जैसवालले बताए ।
मास्क,सेनिटाइजर,सावुन बितरण शनिबार पाल्हिनन्दन गाउँपालिका वडा नं.१ रमपुरवाबाट सुरू गरिएको हाे । पहिलो दिन पाल्हिनन्दन गाउँपालिका वडा नं.१ का ११ सय घरधुरीलाई बितरण गरिएको र क्रमश प्रदेश क्षेत्र नं.२”ख” प्रदेश सभा सदस्य कार्यक्षेत्र भित्र सम्पुर्ण घरधुरीलाई बितरण गरिने जैसवालले बताए।
विश्वव्यापीरुपमा फैलिरहेको कोरोना भाइरस (कोभिड–१९) को संक्रमणबाट हुनसक्ने जोखिम न्यूनीकरण गर्न स्वास्थ्य संगठनले जारी गरेको मापदण्डअनुसार हात धुने, स्यानिटाइजर प्रयोग गर्ने, मास्क प्रयोग गर्ने, सामाजिक दूरी कायम लगाएतकाे उपाय अपनाउन आम जनसमुदाय आग्रह समेत गरे। साे वितरण कार्यक्रममा प्रदेश सभा सदस्य वैजनाथ जैसवाल, पाल्हिनन्दन गाउँपालिका उपाध्यक्ष पबित्रा काेहार ,वडा नं. १ का वडा अध्यक्ष लल्लन यादव , नेपाली कांग्रेसपाल्हिनन्दन गाउँपालिका वडा नं १ ईकाइ सभापति चुल्हाइ यादव, ने.बि संघका इमामुल अलि लगायतको सहभागीता रहेको थियो ।
