राहुल गुप्ता, वीरगन्ज – वीरगन्जमा कोरोना भाइरस (कोभिड 19) को उपचार केन्द्र खोल्न प्रदेश नम्बर २ का मुख्यमन्त्री लालबाबु राउत गदीलाई ध्यानाकर्षण गराएका छन्। आइतबार पर्सा क्षेत्र न. १ का सांसद प्रदीप यादव वीरगन्ज महानगरपालिकाका नगर प्रमुख बिजय कुमार सरावगी ,नारायणी अस्पतालका मेडिकल सुपरिटेन्डेन्ट डा. मदन कुमार उपाध्याय र आकस्मीक बिभाग प्रमुख तथा नेपाल चिकित्सक संघका नारायणी शाखाका महासचिव डा. उदय नारायण सिंह लगायतको टोलीले कारोना रोगको संक्रमण नियन्त्रणको लागी वीरगन्जमा चलिरहेको तैयारी र आवश्यकताको बारेमा मुख्यमन्त्रीलाई जानकारी गराउंदै ध्यानाकर्षण पत्र बुझाएका हुन्।
कारोना भाइरसको उच्च जोखिम र प्रदेश नम्बर २ का ४ जिल्लाका रोगीहरुको ठुलो चापमा रहेको वीरगन्जको अस्पतालमा कारोना रोगको परिक्षण पिसिआर ल्याब,स्थास्थ्यकर्मीहरुको सुरक्षाका लागि पिपिई लगायतका सामग्री तथा छूटै कोभिड अस्पताल संचालन गर्न माग गरिएको हो।
कार्यक्रममा बोल्दै मुख्यमन्त्री राउतले वीरगन्ज प्रति आफु सम्बेदनशिल रहेको र कोराना रोगको संक्रमण नियन्त्रणको लागी पिसिआर मेशिन सहितको परिक्षण ल्याब तथा रोगको उपचारको लागि कोभिड अस्पताल जनकपुर तथा वीरगन्जमा दुइ ठाउमा संचालन गरिने गरी व्यवस्था भइरहेको बताए ।
त्यस्तै नारायणी अस्पतालका चिकित्सकहरुका लागि लगभग ४० थान पिपिई,मास्क र गल्पस लगायतका सामग्रीहरु सोमबार साँझसम्म नारायणी अस्पतालका पुगिसक्ने उनले बताए। उनले रोगको परिक्षण तथा उपचारको लागी पिसिआर सहितको ल्याब यथा सिघ्र संचालन गर्नुका साथै रोगको उपचारको लागि कोबिड अस्पताल वीरगन्जमा पनि अबिलम्ब संचालन गर्ने निर्णय भएको पनि जानकारी गराए ।
