काठमाडौं -सरकारले काठमाडौंबाट गाउँ फर्कने चाहनेहरुलाई शुक्रबार र शनिबार जान दिने निर्णय नै नगरेको बताएको छ।
उच्चस्तरीय समन्वय समितिका संयोजक तथा उपप्रधानमन्त्री ईश्वर पोखरेलले २ दिन देखि नै उच्चस्तरीय समितिको बैठक नै नबसेको र यस्तो निर्णय संचार माध्यममा देख्दा आफु पनि आश्चार्य चकित भएको बताए ।
काठमाण्डौंबाट बाहिर जान भने खुला गर्ने निर्णय गरिएको‘ भन्ने समाचार सार्वजनिक संचार माध्यमहरू खासगरी सामाजिक संजालहरूमा आइरहेको सन्दर्भमा ‘ नोभल कोरोना रोकथाम तथा नियन्त्रण उच्चस्तरीय समन्वय समिति ‘ को गंभीर ध्यानाकर्षण भएको पनि बताएको छ ।
यस्तो गंभीर परिस्थितिमा त्यस किसिमको निर्णय कसरी हुनसक्छ ? जेसुकै कारणले भए पनि सार्वजनिक गरिएको उक्त समाचारमा सत्यता नभएको मन्त्री पोखरेलको भनाई छ।
यसअघि उच्चस्तरीय समन्वय समितिले उपत्यका बाहिर जान चाहनेहरुलाई सरकारले शुक्रबार र शनिबार जान दिने निर्णय गरेको भन्दै बिभिन्न संचार माध्यममा समाचार आएका थिए ।
