काठमाडौ – नेपाली कांग्रेस रामेछाप काठमाडौं सम्पर्क समितिले रामेछापका सबै स्वास्थ्य संस्थालाई व्यक्तिगत स्वास्थ्य सुरक्षा सामाग्री उपलब्ध गराउने भएकाे छ ।
जिल्लाका सबै स्वास्थ्य सस्थामा काेराेना परिक्षणका क्रममा स्वास्थ्यकर्मीले प्रयाेग गर्ने व्यक्तिगत सुरक्षा सामाग्री (पिपिइ) हस्तानतरण गर्न लागिएकाे सम्पर्क समितिका अध्यक्ष राज नारायण श्रेष्ठले जानकारी दिनु भएकाे छ । विश्वभर काेराेना भाइरसकाे महामारी फैलिएकाे बेला नेपालमा पनि काेराेना संक्रमणकाे प्रभाव देखिन सुरु गरिसकेकाे छ । यस्ताे संकटका बेलामा स्वास्थ्य संस्थामा खटिने स्वास्थ्यकर्मीलाई सुरक्षित तवरले काम गर्न सहज हाेस भनेर उक्त सामाग्री उपलब्ध गराउन लागिएको श्रेष्ठले जनाउनु भएकाे छ ।
समितिले जिल्लाका ८ वटै पालिकामा रहेका स्वास्थ्य संस्थाका लागि ९० थान पिपिइ र ४०० थान सर्जिकल माक्स पठाउँदैछ । जसमा मन्थली नगरपालिकालाई पिपिइ २० थान र माक्स ५० थान उपलब्ध गराउने भएकाे छ । यसैगरी रामेछाप नगरपालिकामा – पिपिइ १४ थान र सर्जिकल माक्स – ५० थान , खाँडादेवी गाउँपालिकामा पिपिइ ११ थान र सर्जिकल माक्स – ५० थान भने सुनापाती गाउँपालिकामा पिपिइ ९ थान , सर्जिकल माक्स – ५० थानइ उपलब्ध गराउने भएकाे छ । यस्तै दोरम्बा गाउँपालिकामा पिपिइ ९ थान , सर्जिकल माक्स – ५० थान , गोकुलगंगा गाउँपालिकामा पिपिइ ९ थान , सर्जिकल माक्स – ५० थान , लिखुतामाकोशी गाउँपालिका पिपिइ ९ थान , सर्जिकल माक्स ५० थान र उमाकुण्ड गाउँपालिकामा पिपिइ ९ थान र सर्जिकल माक्स ५० थान उपलब्ध गराउने भएकाे छ ।
