काठमाडौं – अहिलेसम्म देशभर कुल ८ हजार ९२९ जनाको र्यापिड टेष्ट गरिएको स्वास्थ्य तथा जनसंख्या मन्त्रालयले जनाएको छ । सम्भावित कोरोना संक्रमितको स्क्रिनिङका लागि थप ७ जिल्लामा र्यापिड डायग्नोस्टिक किटबाट परीक्षण सुरु भएको छ ।
बुधबार स्वास्थ्य तथा जनसंख्या मन्त्रालयले गरेको मिडिया ब्रिफिङ १४ जिल्लाबाहेक सबै जिल्लामा र्यापिड टेस्ट सुरु गरिएको जानकारी दिएको हो।
हालसम्म झण्डै १६ हजार जनाको कोरोना भाइरसको परीक्षण गरिएको मन्त्रालयका प्रवक्ता डा. विकास देवकोटाले जानकारी दिए। अहिलेसम्म ८९२९ र पीसीआर विधिबाट ६८७१ वटा गरी कुल १५ हजार ८ सय वटा परीक्षण गरिएको जनाएको हो।
देवकोटाका अनुसार पछिल्लो २४ घण्टामा मात्र २८९४ वटा परीक्षण गरिएको छ।
उनका अनुसार प्रदेश नम्बर १ का ७, प्रदेश २ का ३, कर्णाली प्रदेशमा २ र गण्डकी प्रदेश र पाँच नम्बर प्रदेशमा एक–एक जिल्लामा र्यापिड टेष्टबाट परीक्षण सुरु गर्न बाँकी छ।
बुधबारसम्म देशभर ५ हजार ६१४ जना क्वारेन्टिनमा रहेका र परीक्षण भएसंगै घट्दै गइरहेको प्रवक्ता देवकोटाको भनाइ छ।
मन्त्रालयकाे अनुसार परीक्षण गरिएकामध्ये अहिलेसम्म १६ जनामा मात्रै काेराेना भाइरस संक्रमणकाे पुष्टि भएकाे छ।
