काठमाडौँ – देशभरको मौसम बिहीबार आंशिकदेखि सामान्य बदली हुने सम्भावना रहेको जल तथा मौसम पूर्वानुमान महाशाखाले जनाएको छ ।
अहिले स्थानीय वायुको प्रभाव सँगै पश्विमी वायुको समेत आंशिक प्रभाव रहेकाले मौसम बदली भएको हो।
देशको पूर्वी भू–भागमा अहिले आंशिक बदली रहेको र बाँकी क्षेत्रको मौसम सामान्यतया सफा रहेको मौसमविदले बताएका छन्।
दिउँसो देशभर आंशिकदेखि सामान्य बदली रहने जनाइएको छ । मध्य र पूर्वका केही स्थान र पश्विमीका थोरै स्थानमा मेघगर्जन र चट्याङ्ग तथा असिना र हावाहुरीसहित वर्षाको संभावना रहेको मौसमविदले बताएका छन् ।
राति देशभर आंशिकदेखि सामान्य बदली रहने जनाइएको छ । पहाडी भू–भागका थोरै स्थानमा मेघगर्जन र चट्याङ्ग तथा असिना र हावाहुरीसहित वर्षाको सम्भावना रहेको मौसमविदले बताएका छन् ।
२४ घण्टाभित्र सतर्कता अपनाउन महाशाखाले अनुरोध गरेको छ ।
