काठमाडौँ – पूर्वएआईजीसमेत रहेका नवराज सिलवाल नेकपा एमाले बागमती प्रदेश कमिटीको सचिवमा १ मत धेरै ल्याएर विजयी भएका छन्।
अध्यक्षमा पराजित कृष्णप्रसाद दाहालको प्यानलबाट उठेका सिलवालले ५६८ मत ल्याउँदै प्रदेश सचिव पद पक्का गरेका हुन्।
प्रतिनिधिसभाका पूर्वसांसदसमेत रहेका उनले प्रदेश कमिटी अध्यक्षमा विजयी कैलाश ढुंगेल प्यानलका हस्तबहादुर पण्डितलाई केबल १ मतको झिनो अन्तरले हराएका छन्।
उता अध्यक्षमा विजयी कैलाशप्रसाद ढुङ्गेल ६९६ मत ल्याउँदा पराजित दाहालले ४३९ मत मात्रै पाए।
उपाध्यक्षमा भने ढुंगेल प्यानलका दावादोर्जे लामा विजयी भए। सचिवमा ५६८ मतसहित सिलवाल विजयी हुँदा पण्डितको पक्षमा ५६७ मत पर्यो।
खुल्ला उपसचिवमा ढुंगेल प्यानलका विजयी हुँदा महिला उपसचिवमा दाहाल प्यानलकी भक्तकुमारी लामाले जित निकालेकी छन्।
