काठमाडौं – राष्ट्रिय फोटो पत्रकार समूह (एनएफपिजे) ले ललितपुरस्थित बज्र इँटाभट्टाका मजदूरहरुलाई राहत वितरण गरेको छ । इँटा भट्टामा काम गर्ने ६३ श्रमिकका परिवारलाई राहत बितरण गरेको हो । प्रतिपरिवार १० किलो चामल, एक किलो दाल, एक लिटर खाने तेल, एक प्याकेट नून, एक किलो सोयाबिन, एक किलो तने बोडी र एक- एक वटा साबुन वितरण गरिएको समूहले जनाएको छ ।
इँटाभट्टामा काम गर्ने मजदूरले खान नपाएको समाचार प्रकाशित भएपछि कोरियामा रहेका एक फोटो पत्रकार, मलेसियामा रहेका व्यवसायी विपीन राई, समूहका पूर्वअध्यक्ष कविन्द्रमान शाक्यलगायतको सहयोगमा समूहले श्रमिकहरुलाई राहत वितरण गरेको राष्ट्रिय फोटो पत्रकार समूहका अध्यक्ष राजेन्द्र चित्रकारले जानकारी दिए ।
गोदावरी नगरपालिका– १३ का वडाध्यक्ष भाष्कर थापाको अनुमतिमा राहत वितरण गरिएको हो । सो वडामा मात्रै पाँच इँटाभट्टा छन् ।
