२ अर्ब १५ करोड रुपैयाँ लगानीमा पैदल मार्ग सुधार गर्दै बालेन

काठमाडौं – काठमाडौं महानगरपालिकाले पैदल मार्गलाई यात्रुमैत्री बनाउन यस वर्ष २ अर्ब १५ करोड रुपैयाँ लगानी गरेर निर्माण, मर्मत तथा सुधारको काम गर्दैछ। यसका लागि सबैजसो सडक खण्डको लागत अनुमान तयार भइसकेको छ। निर्माण कार्यका लागि जारी सूचनाबाट आएका र छनौट भएका केही निर्माण व्यवसायीसँग सम्झौता भइसकेको छ। मापदण्ड र निर्माण पक्षको क्षमताजस्ता प्राविधिक पक्षबाट काम हुन नसक्ने देखिएपछि केही सडकको पुनः बोलपत्रको सूचना भएको छ। केही सार्वजनिक सूचना प्रकाशनको चरणमा छन्।

पैदल यात्रा गर्ने यात्रीको सहजताका लागि गएको आर्थिक वर्षबाट थालिएको कामलाई यस वर्ष थप तीव्र बनाइएको हो। सार्वजनिक निर्माण विभागले पैदल मार्गको संरचना निर्माण तथा सुधारका लागि काम गरिरहेको छ। यसअन्तर्गत मार्गमा रंगीन ब्लकहरु छापिनेछन्। दरबारमार्ग क्षेत्रमा भने ग्रेनाइट छापिनेछ।

सार्वजनिक निर्माण विभागका अनुसार, वडा-२९ को पुतलीसडक, अनामनगरलगायत क्षेत्रमा यस अघि काम भइसकेको छ। अहिले वडा-२६ लैनचौरबाट वडा-१६ सोह्रखुट्टे हुँदै बालाजुसम्मको सडक किनारा दुवैतर्फ काम भइरहेको छ। यसको लागत ४ करोड ५५ लाख रुपैयाँ हो। वडा-२६ लैनचौरबाट वडा-२ को लाजिम्पाट, वडा-३ को महाराजगञ्ज हुँदै चक्रपथसम्मको खण्डको कामका लागि सम्झौता भइसकेको छ।

यसको लागत करिब १० करोड रुपैयाँ हो। वडा-२८ को प्रदर्शनी मार्गमा काम थालनी भएको छ। यसको लागत ३ करोड ७८ लाख रुपैयाँ हो। वडा-११ को त्रिपुरेश्वरदेखि वडा-२२ सुन्धारा, वडा-२७ र २८ को सिमाना महावौद्ध, रत्नपार्क, जमल हुँदै वडा-२६ को लैनचौरसम्मको सडक खण्डका लागि निर्माण पक्षसँग सम्झौता भइसकेको छ। यसको लागत १८ करोड रुपैयाँ हो। नयाँ बजार वडा-१७ खण्डमा पर्ने जग्गा एकीकरण आयोजना क्षेत्रभित्र करिब ११ करोड लागतमा काम हुँदैछ।

वडा-४ को बालुवाटार सडक खण्डमा निर्माण कार्य गर्नका लागि सम्झौता भइसकेको छ। यसको लागत ६ करोड ३५ लाख रुपैयाँ हो। वडा-३२ को तीनकुनेदेखि वडा-९ सिनामंगल, त्रिभुवन विमानस्थल प्रवेशद्वार, सञ्चारग्राम, तिलगंगा हुँदै वडा-८ को गौशालासम्मका लागि सम्झौता भइसकेको छ। यसको लागत ६ करोड ६९ लाख रुपैयाँ हो। वडा-१० नयाँ बानेश्वरदेखि वडा-९ पुरानो बानेश्वरसम्मको मार्गका लागि ३ करोड २३ लाख रुपैयाँ लागतमा काम हुनेछ। वडा-११ थापाथलीदेखि वडा-१२ टेकुहुँदै वडा-१३ कालीमाटीसम्मको सडक खण्डको लागत ६ करोड रुपैयाँ हो।

वडा- २८ को बागबजारदेखि वडा-२९ चारखाल, वडा-३० को सिमाना डिल्लीबजार पिपलबोट, मैतीदेवी चोक, सेतो पुल, वडा-९ को पुरानो बानेश्वर, वडा-३१ को भीमसेनगोलाहुँदै वडा-९ को सिनामंगल सडक खण्डका लागि १० करोड लागत रहेको छ।

वडा-१३ को कालीमाटीदेखि सोल्टी मोडहुँदै वडा-१४ को कलंकीसम्म, वडा-८ को गौशालादेखि वडा-७ को चावहिलसम्म, वडा-८ गौशालादेखि वडा-९ रातोपुलसम्मको सडक खण्डलाई एउटा प्याकेजमा राखिएको छ। यसका लागि १० करोड लागत अनुमान गरिएको छ। यसका लागि पहिलो पत्र प्रकाशन गरिएको बोलपत्रबाट चाहिएको निर्माण पक्ष प्राप्त नभएपछि पुनः खरिद प्रक्रियामा लगिएको छ।

वडा-४ को विशालनगरको भित्री सडकमा १ करोड ३५ लाख रुपैयाँ लागतमा काम हुँदैछ। यस्तै वडा-६ को महाङ्काल ओरालोदेखि मिलन चोकसम्मका लागि ८० लाख रुपैयाँ लाग्नेछ। यो खण्डको कामका लागि सम्झौता चरणमा पुगेको छ। वडा-१५ को भगवान पाउदेखि जुडोल मार्ग जोड्ने सडकका लागि १ करोड लागत अनुमान गरिएको छ। यसको वोलपत्र आव्हान सूचना प्रकाशन भएको छ। सूचनामा गएको अर्को योजना वडा-१६ को बालाजु चोकदेखि जनमैत्री अस्पताल, बालाजु उद्यानहुँदै वनस्थलीतर्फको सडक खण्ड हो। यसको लागत ३ करोड रुपैयाँ हो। वडा-३२ जडीबुटी चोकदेखि पुरानो सिनामंगलपुलसम्मको सडक खण्डमा ११ करोड रुपैयाँ लागतमा पैदल मार्ग निर्माण हुनेछ।

वडा-११ को माइतीघर मण्डलादेखि नयाँ बानेश्वर हुँदै वडा-३२ को तीनकुनेसम्म १८ करोड रुपैयाँ लागतमा पैदल मार्ग र साइकल लेन निर्माण हुनेछ।

यसैगरी वडा-५ को बालमन्दिरदेखि नक्साल, वडा-१ को नारायण चौर, हात्तीसार, कमलपोखरी हुँदै वडा-३० को डिल्लीबजार क्षेत्रका लागि ६ करोड रुपैयाँ लागत अनुमान गरिएको छ। धोवीखोला कोरिडोरको कपन सिमानादेखि बागमती दोभानसम्मको खण्डका लागि ११ करोड रुपैयाँ लागत हुनेछ।

वडा-१५ को डल्लु आवास क्षेत्रमा ७७ लाख रुपैयाँमा उपभोक्ता समितिबाट काम भइरहेको छ।

काठमाडौं महानगरपालिका क्षेत्रभित्र करिब १ हजार ३ सय किलोमिटर सडक सञ्जाल छ। यसमध्ये ८ मिटरभन्दा कम चौडाइ भएको १ हजार किलोमिटर सडक महानगरपालिकाको स्वामित्वमा आएको छ। बाँकी सडक संघीय सरकारअन्तर्गतको डिभिजन सडक कार्यालयको स्वामित्वमा छ। सडक जसको भए पनि पैदल मार्ग निर्माण, सम्भार र व्यवस्थापनमा महानगरपालिकाले काम गरिरहेको छ।

यस खण्डमा छुटेका पैदल मार्ग निर्माण गर्नका लागि २५ करोड रुपैयाँ विनियोजन गरिएको छ। यसैगरी सुधार गर्न, मर्मत गर्नका लागि १५ करोड रुपैयाँ विनियोजन भएको छ। यसको खरिद प्रक्रियाअन्तर्गत सूचना प्रकाशन भइसकेको छ।

सिफारिस

फोटो पत्रकार पूर्णिमा श्रेष्ठ एक सातामै दोस्रोपटक सगरमाथाको चुचुरोमा

फोटो पत्रकार पूर्णिमा श्रेष्ठ एक सातामै दुईपटक विश्वको सर्वोच्च शिखर सगरमाथाको सफल आरोहण गरेकी छन्। श्रेष्ठले आज (आइबार) बिहान ३ बजेर पाँच मिनेट जाँदा...

प्रतिनिधिसभाको बैठक आज बस्दै, के के छ कार्यसूचि ?

काठमाडौं– संघीय संसद अन्तर्गत प्रतिनिधिसभाको बैठक आज बस्दैछ । बैठक बिहान ११ बजे संसद भवन नयाँबानेश्वरमा बस्ने छ । आजको बैठकमा सभामुखले प्रधानमन्त्री तथा मन्त्रिपरिषद्को...

काठमाडौँमा यो वर्षकै अत्यधिक गर्मी, दिउँसो पानी पर्ने

काठमाडौँ उपत्यकामा शनिबार (जेठ ५ गते) यो वर्ष अहिलेसम्मकै बढी गर्मी भएको छ। मौसम पूर्वानुमान महाशाखाका मौसमविद् रोजन लामिछानेले शनिबार यो वर्ष अहिलेसम्मकै बढी...

LEAVE A REPLY

Please enter your comment!
Please enter your name here

भर्खरै

प्रतिनिधिसभाको बैठक आज बस्दै, के के छ कार्यसूचि ?

काठमाडौं– संघीय संसद अन्तर्गत प्रतिनिधिसभाको बैठक आज बस्दैछ ।...

काठमाडौँमा यो वर्षकै अत्यधिक गर्मी, दिउँसो पानी पर्ने

काठमाडौँ उपत्यकामा शनिबार (जेठ ५ गते) यो वर्ष अहिलेसम्मकै...

संसद्‍मा भएको भिडन्तको सबै जिम्मा सभामुखले लिनुपर्छ : गगन थापा

काठमाडौं- नेपाली कांग्रेसले प्रतिनिधिसभामा बिहीबार भएको घटनाको जिम्मेवारी सभामुख...

प्रतिनिधिसभा बैठक बस्दै, यस्ता छन् सम्भावित कार्यसूची

काठमाडौँ - सङ्घीय संसद्अन्तर्गत प्रतिनिधिसभाको बैठक आज बस्दै छ...

सन्दीप लामिछाने विश्वकपका लागि अमेरिका जाने पक्का, आईसीसीले दियो अनुमति

काठमाडौं - नेपाली स्टार लेग स्पिनर सन्दीप लामिछाने आईसीसी...

आजको मौसम: यी चार प्रदेशमा हल्का वर्षा, तराईमा तातो हावा चल्ने

काठमाडौँ - हाल नेपालमा स्थानीय वायु र पश्चिमी वायुको...

धेरै पढिएको