काठमाडौँ – दसैँ नजिकिँदै गर्दा चाडपर्व लक्षित विभिन्न गीतसङ्गीत बजारमा भित्रिने क्रम बढ्दो छ । यस्तैमा दसैँको माहौलको वर्णन गरिएको सशस्त्र प्रहरीको गीत ‘लाहुरे म त सोल्टिनी’ सार्वजनिक भएको छ ।
रोमान्टिक लोक शैलीमा तयार गीतले देशको सशस्त्र पल्टनमा दसैँको माहौलले मनमा हर्षखुसी छाएको वर्णन गरेको छ । गीतमा चाडपर्वमा घर जान नपाए पनि पल्टनमा रमाइलो गर्दै मनाउनुपर्ने कुरा भनिएको छ ।
सागर आले र अस्मिता अधिकारीको स्वरमा नयाँ गीत सोमबार नरेश एमसीको युट्युब च्यानलमार्फत सार्वजनिक गरिएको हो।
नरेश एमसीको शब्द रहेको गीतमा ऋषि खड्काले संगीत भरेका छन् भने केशव बाबुले संगीत संयोजन गरेका छन्।
स्मृति तिमल्सिना (गुरुआमा) ले निर्देशन गरेको गीतको भिडिओमा नरेश एमसी, अञ्जली अधिकारी, वर्षा ठकुरी र विष्णुराम भण्डारी फिचर्ड छन्।
अजय रेग्मीले छायांकन गरेको म्युजिक भिडिओलाई नविन घर्तीमगरले सम्पादन गरेका हुन्।
