काठमाडौं – अष्ट्रेलियाको ब्रिस्बेनमा रहेर व्यवसायी क्षेत्रमा सफलता प्राप्त गरेका स्वतन्त्र प्रताप शाह ‘ प्रभावशाली युवा उद्यमी अवार्ड’बाट सम्मानित भएका छन ।
व्यवसायी शाहलाई एनआरएनए युवा नेतृत्वको समयमा नेपलामा समाजिक सेवामा पु¥याएको अतुलनीय योगदान तथा व्यवसायिक क्षेत्रमा प्राप्त गरेका सफलताको लागि एशियन प्रोफेसनल एचिभमेन्ट अवार्ड अन्तर्गतको प्रभावशाली युवा उद्यमी अवार्र्ड प्रदान गरिएको हो ।
रोयल हेरिटेज रियल इस्टेट क्विन्सल्याण्डका निर्देशक, एम्पायर इन्टरनेशनल एजुकेशन एण्ड भिसा सर्भिसका निर्देशक शाहलाई सिजन मिडियाको आयोजनामा गरिएको विशेष कार्यक्रममा प्रधानमन्त्री पुष्पकमल दाहाल ‘प्रचण्ड’ले उक्त अवार्ड प्रदान गरेका हुन ।
अष्ट्रेलियाको ब्रिस्बेनमा रहेका नेपाली व्यवसायिक उद्यमी शाहलाई नेपाल सरकारले सन २०१६ को जुलाईदेखि जुलाई २०१८ सम्म क्विन्सल्याण्डका लागि नेपाल पर्यटन बोर्डको मानार्थ जनसम्पर्क प्रतिनिधिको रूपमा नियुक्त गरेको थियो ।
हाल अन्तर्राष्ट्रिय नेपाली युवा उद्यमी महासंघका अध्यक्ष शाहले एनआरएनए गैरआवासीय नेपाली संघ अष्ट्रेलियाका उपाध्यक्ष पनि हुन ।
नेपालमा भूकम्पका बेला एनआरएनए लजिस्टिक टोलीका संयोजक, भूकम्पका बेला नेपालमा एनआरएनए स्वयंसेवकको जिम्मेवारी सम्हालेका थिए । राहत वितरण र आश्रय निर्माणमा महत्वपूर्ण भूमिका निर्वाह गरेका थिए ।
शाह बिगत डेढ दशकदेखि अष्टेलियामा बिभिन्न व्यवसायसंगै एनआरएन अभियन्ताका रुपमा सक्रिय छन । मोडलिङसंगै फिल्मी क्षेत्रमा पनि शाह सक्रिय छन । उनले दुई वटा नेपाली चलचित्रमा नायकको भूमिका समेत निर्बाह गरेका छन । शाह शैक्षिक तथा सामाजिक क्षेत्रमा पनि सक्रिय छन ।
उनले सन २०१० र २०१५ मा नेपाल फेस्टिभल ब्रिस्बेन, एनआरएनए भवन निर्माण परियोजना, नेपालको चेपाङ गाउँलाई सहयोग पु¥याउने कोष सङ्कलन कार्यक्रम, ब्रिसबेन अस्ट्रेलियामा नेपाली राजनीतिक नेताहरूसँग अन्तरक्रिया कार्यक्रम जस्ता कोष सङ्कलन कार्यक्रमहरू सफलतापूर्वक सम्पन्न गरेका छन । उनी नेपाली कलाकार तथा गायकहरूसँग सक्रिय रूपमा सामुदायिक कार्यक्रम आयोजना गर्दै आएका छन ।
संसारभरी छरिएर रहेका नेपाली युवा उद्यमीहरुलाई संगठित गर्दै शाहले अन्तर्राष्ट्रिय युवा उद्यमी महासंघ समेत स्थापना गरेका छन । कोभिड–१९ मा उनले अष्टेलियाबाट सुदूर पश्चिम लगायत देशका बिभिन्न भागमा सहयोग गरेका थिए ।
सरल नम्र स्वभावका व्यक्तिको रूपमा परिचित शाह विश्वभरमा एनआरएनएको मुद्दालाई स्थापित गर्न, युवा पुस्तालाई एनआरएनएमा अपनत्व महसुस गराउन उनले २०२३–०२५को लािग सचिव पदमा उम्मेदवारी दिएका छन ।
संघलाई नजिकबाट बुझेको र हालसम्म प्राप्त अनुभव दक्षता तथा योग्यतालाई एनआरएनए अभियानमा अझ सशक्त ढंगले प्रयोग गर्ने शाहले बताए । संघलाई थप पारदर्शी, वैज्ञानिक र प्रभावकारी ढंगले चलाउन आफ्नो सचिवमा उम्मेदवारी रहेको उनको भनाइ छ ।
