‘तेस्रो बेल्ट एन्ड रोड फोरम फर इन्टरनेशनल कोअपरेसन (बीआरएफ)’मा सहभागी हुन चीनको बेइजिङ पुग्नुभएका उपप्रधानमन्त्री एवम् गृहमन्त्री नारायणकाजी श्रेष्ठलाई गएराति १ बजे हृदयघात भएको छ। उहाँको उपचार बेइजिङस्थित ‘पेकिङ युनियन मेडिकल कलेज हस्पिटल’मा भैरहेको छ।
चिनियाँ सरकार र पार्टीका उच्च अधिकारीहरूले उच्चतम प्रविधि अपनाउन र उहाँको उपचारमा विशेष ध्यान दिन अस्पताल प्रशासनलाई निर्देशन दिएका छन्। उहाँलाई २४ घण्टा ‘आइसियु अब्जरभेसन’मा राखिने चिकित्सकले बताएका छन्।
उहाँको अवस्था खतरामुक्त र सुधारोन्मुख रहेको समेत चिकित्सकले जानकारी दिएका छन्। यसबारे अस्पताल प्रशासन र नेपाली दूतावासले आधिकारिक प्रेसनोट जारी गर्ने तयारी गरिरहेका छन्।
