रामेछाप – स्वतन्त्र विद्यार्थी युनियन स्ववियुले मन्थली सहिद स्मृति बहुमुखी क्याम्पस विद्यार्थीहरूलाई ‘युवामा सकारात्मक सोचको विकास’ शिर्षकमा सेमिनार सम्पन्न गरेको छ। सचिव सुशील थापाको नेतृत्वमा शुक्रबार क्याम्पसका विद्यार्थीहरुको मागलाई मध्यनजर गर्दै सो सेमिनार आयोजना गरिएको हो।
सेमिनारमा मन्थली माध्यामिक विद्यालयका सह-प्रधानाध्यापक चन्द्र सिह धामीले सकारात्मक सोचको विकास कसरी गर्ने ? भन्ने विषयमा आफ्नो धारणा राखेका थिए।
त्यस्तै, स्वास्थ्यकर्मी तथा समाजसेवी अनिल साउदले उद्यमसंगै समाजसेवा, स्वास्थ्य बिमा बोर्ड रामेछाप प्रमुख अनिल चन्द्र जोशीले लोकसेवा आयोगको तयारी सम्बन्धमा र युवा उद्यमि तथा समाजसेवी बिपिन भट्टराईले युवाहरुले गर्नै पर्ने कामहरु उमेर छदै गरिएन भने के हुन्छ ? भन्ने विषयमा आफ्नो भनाईहरू राखेका थिए।
