काठमाडौं – भक्तपुरको सुर्यविनायक ५ सिर्जनानगरस्थित पाथिभरा एकेडेमीमा ‘स्कुल लेबल अवाकस प्रतियोगिता’ सम्पन्न गरिएको छ । बालविकास एनसीमास संस्थासंगको सहकार्यमा शनिबार एक कार्यक्रमको आयोजना गरी प्रतियोगिता सम्पन्न गरिएको हो ।
कार्यक्रममा १ देखि ७ कक्षासम्मका करिव १५० विद्यार्थीहरुको सहभागिता रहेको थियो । प्रतियोगितामा छानिएका विद्यार्थीहरुले राष्ट्रिय तथा अन्तराष्ट्रिय प्रतिगोगितामा सहभागी हुन पाउने छन्। विद्यालयहरुले उक्त विषयलाई वैकल्पिक विषयका रुपमा पठनपाठन गराउँदै आएको छ ।
अवाकसले बालबालिकाहरुको पढाइमा निक्कै नै उपयोगी र ध्यान केन्द्रित गर्न महत्वपूर्ण भूमिका खेलेको स्कुलका प्रधानाध्यापक रमेश सिटौलाले बताए । पाथिभरा एकेडेमी पढाइसंगै अतिरिक्त क्रियाकलाप पनि उत्कृष्ट रहेको भन्दै समय समयमा यस्ता क्रियाकलापलाई पनि विशेष जोड दिए विद्यार्थीहरु पढाइमा अझै राम्रो गर्न सक्ने उनी बताउँछन् ।
अवाकसले अन्य विद्यालयका विद्यार्थीसँग पनि प्रतिष्पर्धी गराउन यसले निक्कै ठूलो टेवा पुर्याएको सिटौलाको भनाई छ । उनी भन्छन्, चारित्रिक विकास, शैक्षिक विकास, अतिरिक्त क्रियाकलाप अन्तर्गत अवाकस, टेलिग्राफी ह्यान्ड राईटिङलगायत काम भईरहेको छ । यसमध्ये पनि अवाकसले विद्यार्थीको क्षमता वृद्धिमा ठूलो सहयोग पुगिरहेको उनले बताए ।
त्यसैगरी, अवाकसले बालबालिकाको ध्यान केन्द्रित गर्न धेरै सहयोग गरेको अभिभावकहरुले बताए । उनीहरुले आजको कार्यक्रममा आफ्ना बालाबालिकाले अवाकस प्रणालीबाट छिटो छरितो तरिकाले गणितीय समस्या समाधान गरेको प्रत्यक्ष देख्न पाउँदा झन् धेरै अवाकस सम्बन्धि जानकारी पाएको बताए । आफ्ना छोराछोरीले पहिलेको तुलनामा गणितीय अभ्यास सजिलै गर्न थालेपछि उनीहरु निक्कै खुशी भएका छन् । बालबालिकाको वृद्धि विकासमा एकदमै महत्वपूर्ण भूमिका खेलेको र आउँदो दिनमा पनि यस्तै कार्यक्रम अघि बढाउनुपर्ने उनीहरुको माग छ ।
शैक्षिक क्षेत्रमा नयाँ प्रयोग गरिएको अवाकसले बालबालिकाको मष्तिस्क विकास, गणितीय समस्या समाधान गर्न सहज, ध्यानलाई केन्द्रिकृत गराउने गर्दछ । विश्वका १ सय ५० भन्दा बढी देशमा यसको प्रयोग भइरहेको छ ।
विश्वमा २ हजार बर्ष पहिले नै यसको प्रयोग गरिएको पाइए पनि नेपालमा बालविकास एनसीमासले २० वर्षदेखि गर्दै आएको छ । धेरै जसो विद्यालयहरुले यस अवाकस प्रणालीलाई नियमित पाठ्यक्रममा समाबेश गरी अध्यापन गराउँदै आइएका छन्।
